Esta mañá tivo lugar na Sala Valente a presentación do catálogo da exposición que, desde o día 9 de maio, se pode visitar neste espazo: 1975-2006 A fugacidade do tempo de Xaime Quesada Blanco.
Ao acto, que contou coa presenza da nai do artista Mª Jesús Blanco Piñeiro, asistiron o tenente de alcalde Aníbal Pereira e a concelleira Ana Fernández.
“A fugacidade do tempo” é unha mostra antolóxica que reúne 60 obras pictóricas de pequeno e grande formato do artista ourensán, de carreira curta pero intensa.
A exposición poderá visitarse até o día 30 de xuño no seguinte horario:
Martes a sábado: 11:00h – 13:30h | 18:30h – 21:30h
Domingos:11:00h – 13:30h.
Luns e festivos: pechado.
