Home Deputacións Deputación Pontevedra A Deputación mobiliza 1,4 millóns de euros par transformar estradas provinciais ao...

A Deputación mobiliza 1,4 millóns de euros par transformar estradas provinciais ao seu paso por Ribadumia, Pazos de Borbén e Ponteareas

- Anuncio -

A Xunta de Goberno aprobou o proxecto de urbanización da Rúa da Condesa en Barrantes, no treito inicial da EP-9506, e adxudicou as obras de mellora da seguridade na EP-2703 que permitirán a reposición do firme en 11 quilómetros desta estrada entre Pazos e Ponteareas

A Xunta de Goberno da Deputación de Pontevedra acaba de mobilizar un investimento de 1,4 millóns de euros para transformar dúas estradas provinciais que transcorren polos concellos de Ribadumia, Pazos de Borbén e Ponteareas. Trátase, como subliñou o presidente provincial, Luis López, de actuacións para dotar a estes viarios “dunha maior seguridade viaria e para construír espazos máis centrados nas persoas, máis funcionais e con mellores prestacións”.

No caso de Ribadumia, a institución provincial aprobou o proxecto para a urbanización da Rúa Condesa en Barrantes, Ribadumia, pola que transcorre o treito inicial da EP-9506 e na que se van investir máis de 700.000 €. A actuación será financiada a través dun convenio, xa asinado, a través do cal a Deputación aporta o 70% (preto de 500.000 €) e o Concello o 30% restante (200.000€). Intervirase nun treito de 305 metros para urbanizar a Rúa Condesa e mellorar así as condicións de seguridade e mobilidade deste viario en pleno centro urbano, nunha zona na que están situados tamén equipamentos educativos e deportivos.

Por outra banda, a Xunta de Goberno adxudicou as obras de mellora de seguridade viaria da EP-2703 Pazos-Ponteareas por un orzamento de máis de 712.937€. Os traballos, que abranguen a reposición do firme nun treito de 11,3 quilómetros dos 14,8 da estrada que transcorre por ambos concellos, teñen un prazo de execución de seis meses e serán financiados ao 100% pola institución provincial.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas