A Alcaldesa de Salvaterra de Miño, xunto co Concelleiro de obras e o presidente da Comunidade de Montes de Fornelos supervisan as últimas obras acometidas na Casa da Sociedade de Fornelos.
Co remate destas accións avánzase na rehabilitación integral do edificio, cun gran valor histórico e sentimental para esta parroquia, e con fin último de que sexa un punto de referencia á hora de desenvolver actividades culturais e sociosanitarias para veciños e veciñas.
O Concello de Salvaterra de Miño leva varios anos traballando, coa supervisión da Comunidade de Montes, na posta en valor do seu patrimonio, neste caso con diferentes accións que permitiron evitar o deterioro do inmoble e a súa rehabilitación con obras como a reposición do tellado, o encintado e lavado dos muros, illamento do chan interior
e coa última actuación, a instalación da carpintaría de aluminio.
