Novo programa de 6 sesións “Mulleres en asocia(c)ción”
O Obxectivo inicial será incrementar a participación activa das mulleres na vida pública e social e visibilizar experiencias relevantes de participación e liderado.
Obxectivo específico será dotar de ferramentas e recursos ás asociacións do concello para que melloren o seu enfoque cara a incorporación de medidas de igualdade e a súa formulacion nos proxectos correspondentes.
Realizaranse 6 sesións formativas de hora e media deduración cada unha. A metodoloxía será de caracter dinámico e activo, promovendo a participación grupal en todo momento así como dar resposta ás necesidades concretas que se vaian detectando. Non se realizarán sesións seguindo unha modalidade tradicional, senón que cada unha das accións será abordada dende a gamificación e a proposta de dinámicas.
O fío conductor das sesións será a promoción da igualdade en todas as accións desenvoltas polas persoas pertencentes ás asociacións arousás.
Para isto, en cada unha delas traballaranse diferentes contidos que:
- Permitan ás mulleres participantes empoderarse na toma de roles destinados en moitas ocasións aos homes
- Poñan en valor a necesidade dunha paridade e reparto real nas asociacións
- Dean a coñecer ferramentas que faciliten a promoción da igualdade dende as asociacións
- Presenten as subvencións dispoñibles para o tecido asociativo, a súa posta en práctica e a importancia de cumprir cos requisitos de promoción de igualdade para poder optar ás mesmas.
Detección de necesidades específicas e resolución das mesmas.
Ao final da formación acreditaríase por parte da empresa corresponsable un certificado de
asistencia e cumprimento dos obxectivos previstos na posta en marcha da actividade.
Toda a información recollida a través das sesións formativas será trasladada ao concello para poder elaborar a partires do recadado medidas e accións que se axusten ás demandas do colectivo en cuestión.
Serán os luns de 19:30h a 21h no primeiro andar das casas modernistas- clube de xubilados e comezarán o luns 16 de outubro.
