• O PP gañou as europeas no 78,5% das 107 mesas electorais da cidade
• A formación azul ha vencido no últimos catro comicios, desde que Domínguez gañou as municipais: “Síntome satisfeito polo gran traballo de todo o meu equipo e porque, cada mes que pasa, son máis os pontevedreses que confían en nós para liderar o cambio que Pontevedra necesita”
O presidente do Partido Popular de Pontevedra, Rafa Domínguez, valorou os resultados “espectaculares” das eleccións europeas celebradas este domingo: “O PP arrasou na cidade con case o 40 por cento dos votos, gañando na gran maioría das mesas electorais e subindo 13 puntos”.
“A Boa Vila volveuse a tinguir de azul”, expresou Domínguez tras comprobar que a formación popular ha vencido no 78,5% das 107 mesas electorais distribuídas pola cidade do Lérez.
O líder do PP local ha agradecido o “traballo incansable de todos os apoderados e interventores” que estiveron durante toda a xornada dominical nos colexios electorais da cidade. Así mesmo, enxalzou a “campaña tan magnífica” dos afiliados e simpatizantes que participaron nos actos electorais durante estes 15 días de traballo.
O líder da oposición volve saír reforzado coa cuarta vitoria consecutiva do PP, desde que lograse ser a forza máis votada nas eleccións municipais de maio de 2023. “Síntome satisfeito polo traballo ben feito de todo o meu equipo e porque, cada mes que pasa, son máis os pontevedreses que confían en nós para liderar o cambio que Pontevedra necesita”, concluíu.
