Esta próxima fin de semana 18 e 19 de xaneiro volve o mellor bádminton nacional á localidade de Nigrán con motivo da celebración do Master Nacional Mozos N3 Sub 13 – Sub 17 “Concello de Nigrán” no Pavillón Municipal de Panxón.
O Club Escola Rosalía Peixes Vimar foi o adxudicatario desta xornada por parte da Federación Española de Bádminton e continuando co interese por parte da entidade viguesa de recuperar o bádminton na comarca do Val Miñor, é polo que se quixo que o bádminton de máximo nivel volva voar “” en Nigrán tras a celebración na tempada pasada da Xornada Final da liga Nacional Bronce de Bádminton.
Ademais, e como complemento a esta actividade a Federación Galega de Bádminton tamén celebrará o sábado día 18 de xaneiro a súa Asemblea Xeral Ordinaria nas propias instalacións nigranesas.
Nigrán foi berce de grandes xogadores e xogadoras do noso deporte durante os anos 80 e 90, a través do Club Bádminton Nigrán, e onde todo o Val Miñor era un referente a nivel nacional no noso deporte.
Esta competición dará o pistoletazo de saída aos Master Nacionais que se celebrarán por toda a xeografía nacional durante este ano 2025. Ata Nigrán desprazaranse 140 xogadores/as de toda España entre os que se atopan numerosos compoñentes das distintas seleccións nacionais e entre os que, como sempre, os galegos terán moito que dicir.
Entre os favoritos e favoritas da competición temos en individual masculino Sub 13 ao vigués, Álvaro Gómez (cabeza de serie n.º 1) e aos madrileños Gael Fernández ou Álvaro López. En individual feminino Sub 13 ás galegas Inés e Eva Lemos, á valisoletana Zoe Catalina Calvo, a madrileña Laura Miranda ou a murciana Ruth Mercador. En dobres masculino Sub 13 a competición preséntase sen claros favoritos. En dobres feminino Sub 13 a parella formanda pola rioxana Lucía Pérez e a murciana Ruth Mercador e a formada pola viguesa Telma Ruso e a valisoletana Zoe Catalina Calvo serán a priori as principais favoritas. Por último, na modalidade de dobres mixtos Sub 13 os vigueses Alvaro Gómez e Telma Ruso, a parella formada pola galega Inés Lemos e o madrileño Álvaro López, os madrileños Gael Fernández e Laura Miranda e a parella formada pola galega Eva Lemos e o asturiano Eneko Rodríguez parten coas maiores opcións ao título.
Na categoría Sub 17 teremos en individual masculino ao andaluz David Carvajal, ao murciano Raúl Hernández, ao madrileño Miao Ruifeng e ao galego Darío Miguez que parten a priori coas maiores opcións para alzarse co título en terras nigranesas. En canto ao apartado feminino as coruñesas de San Amaro, Sara do Castillo e Inés Poncela, a madrileña Polina Prykhodko, a valenciana Sara Llopis ou a asturiana Belén Soto serán as grandes candidatas ao título. No concernente ás modalidades de dobres indicar que no dobres masculino as parellas formadas polo murciano Raúl Hernández e o valenciano Félix Sanz, os asturianos Mateo de Vicente e Hugo Hidalgo, o andaluz David Carvajal e o galego Darío Miguez e a madrileña integrada por Pablo Sanz e Miao Ruifeng serán os favoritos mentres que na modalidade de dobres feminino as galegas de San Amaro, Inés Poncela e Sara do Castillo, a navarra Branca Cantón e a madrileña Polina Prykhodko, as galegas Paula Casas e Lucía Cid e a formada pola canaria Sulimar Cabrera e a asturiana Belén Soto preséntanse como as dominadoras da modalidade. Por último, no dobres mixtos Sub 17 a parella valenciana formada por Sara Llopis e Félix Sanz, a composta pola canaria Sulimar Cabrera e o andaluz David Carvajal, a asturiana formada por Mateo de Vicente e Mencía Pérez e a integrada pola navarra Branca Cantón e o madrileño Martín Fenoll.
En canto á representación do Club Escola Rosalía estará formada por Álvaro Gómez, Telma Ruso, Antón Firvida e Guillermo Valdés que foron os que lograron a clasificación para esta competición en función das súas posicións na clasificación nacional de cada categoría e modalidade.
Os horarios dos enfrontamentos serán o sábado 18 de xaneiro a partir das 9:00 horas e ata as 20:00 horas ininterrompidamente. E na xornada dominical as semifinais e finais a partir das 9:30 horas.
Podes consultar toda a información en Federación Española de Bádminton – #Máster n3-Sub-13 e Sub-17-Vigo – Organización
Este evento é patrocinado polo Concello de Nigrán e polas Federacións Española e Gallega de Bádminton e conta co apoio do Consello Superior de Deportes, a Deputación de Pontevedra, Xunta de Galicia e Asociación Escola Rosalía de Castro e das firmas privadas da Federación Española de Bádminton O Corte Inglés, Iberdrola, Loterías e Apostas do Estado e Yonex. Tamén conta co apoio dos colaboradores privados Eurobanan Galicia, Auga Sa, Fit Center, Deportes Carlos Miguel, Trafema, Norfrío e Peixes Vimar.
