A praza do Concello de Baiona acolleu o acto de clausura do campamento urbano 2025 realizado de maneira gratuíta a través da Concellería de Cultura, na que participaron un total de 50 nenos en idades comprendidas entre os 5 a 12 anos, repartidos en dúas quendas.
O departamento de Cultura organiza esta actividade para ofrecer a posibilidade de que os nenos empreguen o seu tempo libre estival participando en actividades de forma organizada e planificada, a través de actividades de calidade, promovendo a cooperación, a educación en valores, coñecendo os espazos públicos municipais, e fomentando a convivencia entre as persoas máis pequenas.
Durante o campamento desenvolveuse un programa de actividades de lecer e tempo libre moi completo, coa realización de distintas clases de xogos, ademais de visitas a distintos monumentos, museos, prazas e praias da vila.
Os participantes visitaron o Parador de Turismo Conde de Gondomar, o Paseo de Pinzón, o monumento “Atopo entre dous mundos”, o paseo Monte Boi, A praia de Frades, a praza de Santa Liberata, tamén realizaron un tramo do Camiño Portugués da Costa, unha Yincana pola Zona vella, olimpíadas, procuras do tesouro, concurso de Got Talent, saídas a varias praias de Baiona, festa da escuma e xogos de auga por poñer algúns exemplos das actividades realizadas.
O Alcalde de Baiona, Jesús Vázquez Almuiña, fixo a entrega dun diploma a cada un dos nenos participantes na actividade, agradecendo a eles e ás súas familias a colaboración nun evento xa consolidado entre as actividades estivais de nosa Villa.
