Estarán presentes o grupo de Sardeña ‘Sonus Insulae Sardinia’, que mostrará o encanto da música insular de Italia; Danzbar de Suabia (Alemania), con danzas e ritmos tradicionis do sur xermánico; e o grupo galego anfitrión TradiSón
Trátase da segunda edición deste festival comarcal organizado desde a Mancomunidade co obxectivo achegar as músicas tradicionais do mundo á mocidade, por iso tamén se ofrecerán concertos didácticos nos centros da ESO e unha segunda actuación o sábado en Gondomar
O Concello de Nigrán abre este venres 8 de novembro ás 20:30 horas no Auditorio Municipal a segunda edición do festival internacional ‘Miñorsóns’, adicado a promover as músicas tradicionais do mundo en toda a comarca. Neste evento organizado entre a Mancomunidade do Val Miñor e o grupo anfitrión local ‘Tradisón’ estarán presentes ex-profeso o grupo de Sardeña ‘Sonus Insulae Sardinia’, que mostrará o encanto da música insular de Italia; Danzbar de Suabia (Alemania), con danzas e ritmos tradicionis do sur xermánico; e o miñorano TradiSón.
Como parte do obxectivo didáctico do festival e de promoción da música de raíz entre a mocidade, os grupos realizarán entre este venres 8 e o luns 11 concertos didáctos en todos os centros da ESO da comarca. O ‘MiñorSóns’ continúa cos mesmos grupos e A i-Real Banda o sábado 9 en Gondomar (Auditorio Lois Tobío ás 19:00 horas). Ademais, na vertente didáctica, sigue durante todo o domingo no Centro Cultural de Mañufe co relatorio ‘As formacións musicais na tradición galega’, por Xerardo F.Santomé da Asociación Folclórica de Gaiteiros da Xistra, unha mostra de instrumentos de Xurxo Jachía, foliada e xantar (inscricións ao xantar no Pazo da Escola de Gondomar antes do venres, cun prezo 20 €).
“Estamos moi orgullosos de abrir esta segunda edición de Miñorsóns con grupos de alto prestixio representativos de músicas vernáculas e animamos á veciñanza a que acuda ao concerto porque é unha oportunidade única, estamos seguros de que quedarán impresionados”, resume o alcalde de Nigrán, Juan González.
