Un total de 200 xogadores de 20 clubes de toda a península desputarán este sábado en Praia América esta novena edición de senior e veteranos
O Concello de Nigrán acolle este sábado 20 de xullo en Praia América a novena edición do torneo de rugbi-praia ‘Melgachos’ organizado en colaboración co devandito clube vigués. Un total de 200 xogadores de 20 clubes senior e de veteranos de toda a península desputarán esta competición que, desde a súa orixe, ten lugar en Praia América, preto do aparcadoiro e o mercado multicultural. Así, desde as 11:00 e ata as 18:00 horas xogaranse uns 30 partidos cortos de 5 minutos de 5 contra 5. Para finalizar terá lugar o famoso ‘tercer tempo’ do rugbi, no que os deportistas confraternizan comendo e bebendo e, con este fin, a marca nigranesa Cervezas Banda, patrocinador do evento, terá unha barra instalada a pé de campo.
“Este torneo forma parte xa da identidade do verán nigranés, cada ano deixa imaxes espectaculares na nosa retina. O certo é que para o Concello é unha oportunidade magnífica para promover este deporte aínda minoritario en España e, ao mesmo tempo, é un orgullo ser a ‘casa’ de tantos deportistas que, nun ambiente festivo e moi saudable, compiten en Nigrán ante centos de afeccionados e de bañistas que se empapan de rubgi”, explicou Juan González, alcalde de Nigrán, durante a presentación esta mañá con Nestor Torres, presidente do Melgachos, Andrés Toledano, de Cervezas Banda, e as concelleiras de Deportes e Festas, Sara Penedo e Cristina Dosil.