A banda de metais da Unión Musical de Valladares ofrece unha actuación na que interpretará temas de Palau, Albéniz ou Javier Girotto
A actuación significa a antesala da feira gastronómica itinerante ‘Rilla na Rúa’, que comeza o xoves 25 neste lugar
O Concello de Nigrán celebra o San Campio (patrón de A Ramallosa) este mércores 24 de xullo ás 21:00 horas na devandita Alameda cun concerto da banda de metais ‘Misxtura Ensemble’ da Unión Musical de Valladares. A brass-band viguesa, dirixida por Tomás Alonso e que conta con sección de percusión, interpretará a ‘Marcha Burlesca’ de M.Palau, ‘Suite española’ de Albéniz (I Cataluña, II Sevilla), ‘La boda de Luís Alonso’ de G.Giménez e, finalmente, ‘La poesía’ e ‘La luna’ a cargo de Javier Girotto co solista David Piñeiro.
A actuación significa a antesala da feira gastronómica itinerante ‘Rilla na Rúa’ que comeza o xoves 25 neste lugar e que finaliza o domingo, coincidindo tamén venres e sábado co festival de música Nigranjazz que se celebra a escasos metros (no escenario ao aire libre da Foz do Miñor).