Terá lugar no Auditorio Municipal ás 20:30 horas con entrada de balde ata completar aforo
O Concello de Nigrán ofrece este sábado 20 de xullo a partir das 20:30 horas no Auditorio Municipal o ‘XX Festival de habaneras e boleros’ a cargo da coral anfitriona Novos Aires de Nigrán e o coro leonés (Bembibre) Capilla de la Divina Comedia. A entrada é de balde ata completarse o aforo.
O festival arrancará co coro invitado baixo a batuta do seu director José Ramón Mansilla, interpretando un total de sete temas entre os que se atopa ‘A tu lado’, ‘Sin ti’ ou ‘Usted’. A continuación subirá ao escenario a Coral Polifónica Novos Aires de Nigrán con José Alfredo Oliveira ao frente, Candela Silveira nas congas e Iago García ao piano. Interpretarán un total de 8 temas, dous deles a capela (‘Si te dejo de amar’ e ‘Amor prohibido’) e cinco con este acompañamento musical, entre elas ‘Obsesión’ ou ‘Si tu me dices ven’.