Un 55% das persoas participantes xa lograron inserción laboral gracias a unha formación práctica e adaptada ás demandas actuais do mercado de traballo
O Concello do Porriño celebrou esta mañá o acto de entrega de diplomas ás persoas participantes no Programa Integrado de Emprego “PIE Porriño”, unha iniciativa desenvolvida co apoio da Xunta de Galicia e financiada con 220.000 euros a través do Servizo Público de Emprego Estatal, que conta ademais cunha cofinanciación municipal de 55.000 euros.
O Alcalde, Alejandro Lorenzo, encargado de entregar os diplomas, e a Concelleira de Emprego e Formación, Ascensión Rosario Costas, estiveron presentes no acto, no que destacaron o compromiso do Concello por ofrecer oportunidades reais de inserción laboral á veciñanza.
O programa, que se desenvolve desde outubro de 2024 ata outubro de 2025, ten como obxectivo mellorar a empregabilidade das persoas desempregadas a través de accións de orientación, formación e prácticas en empresas.
O Alcalde, Alejandro Lorenzo afirmou:
“Estamos moi orgullosos do traballo que estamos a desenvolver co Programa Integrado de Emprego.
Estes resultados demostran que a formación adaptada ás necesidades reais do mercado é a clave para facilitar a inserción laboral e mellorar a vida da nosa veciñanza. Ademais, durante este ano 2025, o Concello do Porriño está a impulsar diversos plans integráis de emprego, obradoiros de emprego, plans de emprego e formación, que supoñen un investimento de máis de 1 millón de euros destinados ás políticas activas de emprego”.
Ata o momento, xa se impartiron 560 horas de formación presencial e 230 horas en teleformación, con módulos como portugués, prevención de riscos laborais e incluso aplicacións de intelixencia artificial como ChatGPT.
Entre as formacións xa finalizadas e cuxos diplomas se entregaron hoxe destacan:
Técnicas de busca de emprego
Fundamentos de coaching
Operario de produción
Prevención de riscos laborais
Intelixencia artificial aplicada aos procesos de atención ao cliente
Estratexias de servizo: calidade e orientación ao cliente
Xestión da cadea loxística
Carretillas elevadoras (nivel 1 e 2)
Habilidades sociais e intelixencia emocional
Plataformas de traballos en altura e manexo de grúa ponte-pórtico
En canto á inserción laboral, un 55% das persoas participantes xa están traballando, das que 27 cumpren co obxectivo marcado polo programa. Un 9% accederon a obradoiros de emprego ou ao Plan + Provincia, mentres que outras continúan con formación, comezan prácticas ou están en proceso de iniciar convenios con empresas.
