Un ano máis, unha representación deste órgano do Concello de Nigrán intervíu no XII Foro de Participación Infantil que conmemora o 20-N, Día Mundial da Infancia
“Referímonos a que os espazos de reunión deben estar adaptados a nós, teñen que vir de vez en cando e o formato debe axustarse ás nosas idades”, explicou Galit Mroz, rapaza que actuóu como voceira de Nigrán
O Consello de Participación Infantil e Xuvenil do Concello de Nigrán acudíu un ano máis ao Parlamento Galego no marco do XII Foro de Participación Infantil que lidera Unicef e que reuníu a rapazada de toda a Comunidade. Unha representación do Concello composta por unha decena de nenos e nenas voluntarios estivo en Santiago acompañada polo alcalde, Juan González, e as concelleiras de Educación, Igualdade, Servizos Sociais e Cultura, Estela Pérez, Patricia Diego, Bibiana Peixoto e Roberto Garrido. Este ano, Unicef pon o foco da súa campaña polo 20-N , Día Mundial da Infancia, no dereito á participación infantil e adolescente, e por iso os representantes de Nigrán adicaron o discurso a este tema, apelando a responsabilidade política neste asunto.
“A participación tamén debe ser amigable. Referimonos a que os espazos das reunións deben estar adaptados a nós, os representantes políticos teñen que ir a estes espazos de vez en cando, o formato das reunións deben axustarse as nosas idades, aos nosos horarios e a linguaxe ten que ser comprensible. A participación é amigable nos vosos concellos?”, preguntou no Parlamento Galit Mroz, alumna do CEIP Carlos Casares e representante do Consello que actuou como voceira. Asimesmo, Galit recordou aos asistentes que a participación debe ser sempre voluntaria e, polo tanto, non obrigatoria, e debe ser respetuosa no sentido de “poder expresar libremente as opinións”.
“O bo funcionamento do Consello de Participación Infantil e Xuvenil, que segue a dar pasos para facer chegar as súas propostas e preocupacións ás diferentes administracións, xunto coas nosas políticas en todos os campos, agardamos que traia consigo este ano o distintivo CAI-Ciudad Amiga de la Infancia outorgado por Unicef”, explica o alcalde, Juan González, quen precisamente o vindeiro venres 22 de novembro presidirá o tradicional pleno infantil no que o goberno local toma nota de primeira man das peticións e inquedanzas da rapazada do municipio.
