• Aroa Otero: “É necesario substituír e ampliar a rede de contedores en mal estado da parroquia, onde só recóllese a lixo tres días á semana, provocando que o cheiro sexa insalubre durante todo o verán”
• O Partido Popular avoga por solucionar, o máis pronto posible, unha serie de problemáticas que non supoñería un gran desembolso para as arcas municipais pero que serían transcendentais para mellorar o benestar dos veciños do rural, que pagan os mesmos impostos que os do centro da cidade
O Partido Popular de Pontevedra visitou Ponte Sampaio para denunciar publicamente a “infinidade de deficiencias” que presenta a parroquia pontevedresa pola falta de mantemento e de prestación de servizos esenciais por parte do Goberno local.
Unha das competencias municipais “peor atendidas” polo Concello, en palabras da edil popular Aroa Otero, é a xestión dos residuos e a limpeza pública do centro urbano e o rural.
A concelleira solicitou que “a nova ordenanza, en fase de tramitación, debe contemplar obrigatoriamente a necesidade de substituír e ampliar a rede de contedores deteriorados de Ponte Sampaio, onde só recóllese o lixo os luns, mércores e venres, provocando que o cheiro que desprenden sexa insalubre durante todo o verán”.
Outra materia na que “suspenden” os dirixentes municipais son os traballos de limpeza das vías e camiños públicos. O Concello de Pontevedra ordena realizar as tarefas de roza unha vez ao ano pero “sempre deixa os barrios da zona alta de Carballa e de Eido Palleiro sen rozar”, engadiu.
A protección do patrimonio histórico e de gran relevancia etnográfica é outra das prioridades do PP. O arranxo e acondicionamento do lavadoiro tradicional da parroquia é unha esixencia do partido azul que critica o “abandono absoluto” do alcalde e os seus concelleiros.
A recuperación ambiental da Xunqueira de Ponte Sampaio converteuse na “eterna promesa que, unha vez termínanse as eleccións, o Goberno local mete no caixón dos obxectos perdidos ata as seguintes municipais que o volve a vender coma se fose unha idea nova”, reprochou Otero.
Un exemplo recente da “desidia e falta de compromiso” coa parroquia é a súa praia fluvial: “A area segue sen ter a calidade que prometeu o Goberno local en maio de 2023, as tubaxes afloran do chan, as papeleiras están rotas e o ximnasio dos piragüistas non parece do século XXI”.
A concelleira da oposición renuncia a que esa “imaxe descoidada dunha das zonas máis bonitas da parroquia” perdure no tempo, #ante a mirada de centos de nenos e nenas que realizan as súas actividades de campamento nesta contorna natural.
En materia de transporte, ademais do estado dalgúns viais municipais, destaca o “mal estado da única marquesiña” do lugar de Acevedo que está “oxidada e con recheo de cemento aos lados, sen cumprir unhas mínimas medidas de seguridade”. O mesmo sucede coa parada de autobús para recoller ao alumnado do CEIP Ponte Sampaio que, directamente, carece de marquesiña e “os menores esperan á beira dun muro a piques de caer”.
En definitiva, o Partido Popular avoga por solucionar, o máis pronto posible, un “cúmulo de deficiencias que non supoñería un gran desembolso para as arcas municipais pero que serían importantes para mellorar o benestar dos veciños de Ponte Sampaio que pagan os mesmos impostos que os do centro da cidade”.