A programación cultural de verán do Concello de Redondela ofrece o próximo venres, 19 de xullo, un dobre concerto a cargo dos grupos locais Retroblues e Jay&The Smoking Machines. Unha cita que non poden perder os amantes do blues e o rock&roll e que arrancará ás 22.00 horas na Praza da Torre. O grupo Retroblues, banda veterana de músicos redondeláns, abrirá o concerto cos seus temas blues e rock. Logo será a quenda de Jay&The Smoking Machines, unha banda adicada ao rock&roll en todas as súas vertentes, con ritmos exóticos e unha mistura de estilos. A banda está formada por Jay (Jeroen Mesker), cantante de blues de Amsterdam, ao que se suman os galegos Alberto López e Lui Perez, e teñen Redondela como base.
XXVIII Festival de Bandas de Música
A cita do sábado día 20 será en Chapela co XXVIII Festival de Bandas de Música, na Alameda Rosalía de Castro. Participarán a Banda Municipal de Pájara, da illa canaria de Fuerteventura, e a Banda de Música de Chapela.
