• A nova Comisión Executiva Municipal das XSG-Vilagarcía anima á mocidade vilagarciá a participar na Agrupación.
• David Álvarez Caneda, novo Secretario Xeral das Xuventudes Socialistas de Vilagarcía.
Un grupo de mozos e mozas dan un paso adiante na refundación das Xuventudes Socialistas de Vilagarcía e constitúen unha nova Comisión Executiva Municipal. Esta Asemblea contou coa presenza e apoio do Secretario Xeral XSG, Xurxo Doval, así como do Secretario Xeral do PSdeG-Vilagarcía, Julio Torrado e o Alcalde de Vilagarcía, Alberto Varela.
Presentándose só unha candidatura, David Álvarez Caneda resultou elixido Secretario Xeral por unanimidade. Acompañarano na executiva María González Díaz (Secretaria de Organización) e Sara Barros Laya (Secretaria de Política Municipal e Igualdade). Trátase dun equipo sólido, dinámico e comprometido coa defensa dos valores progresistas e a igualdade de oportunidades.
Nun contexto marcado pola alta desafección política, principalmente na xente máis nova, esta renovación representa un novo comezo para a mocidade vilagarciá, ofrecendo un espazo onde poidan expresar as súas ideas, participar activamente na política local e traballar xuntos por un futuro mellor.
Inicialmente, a través de diversas actividades e proxectos, nos propoñemos:
• Fomentar a participación activa da mocidade na política local. • Organizar talleres e charlas sobre temas de interese social e político. • Realizar campañas de recollida de material escolar así como de
concienciación sobre igualdade de xénero, medio ambiente, dereitos humanos, etc.
• Promover a colaboración con outras organizacións xuvenís e sociais da contorna.
Por todo isto, as Xuventudes Socialistas de Vilagarcía convidamos á mocidade comprometida coa súa vila a sumarse a este proxecto transformador. A túa participación é esencial para construír un movemento xuvenil forte e representativo para dar voz ás demandas da mocidade vilagarciá entre as diferentes entidades e institucións. Xa sexas estudante, traballador, ou simplemente un mozo/a con ganas de facer unha diferenza, as Xuventudes Socialistas son o teu lugar.