A Xunta de Goberno Local do Concello de Salvaterra de Miño aproba os primeiros proxectos que tramitará polo PLAN + PROVINCIA 2025 por un importe de máis de 446.000 euros.
Na pasada Xunta de Goberno o Concello de Salvaterra de Miño daba o visto bo ós primeiros proxectos que tramitará a través das inversións do Plan Máis Provincia 2025.
Así aprobouse a cofinanciación do Plan Extra por onde se solicitou o proxecto de humanización do entorno da Capela de San Roque en Cabreira por un importe de 138.410,39€,; a reforma da cuberta da Casa de Cultura de Leirado por importe de 51.420,69€ e a Humanización e mellora do Parque Infantil da Casa de Cultura de Salvaterra de Miño por 257.092,07, adaptando e mellorando a infraestructura existente, xerando un espazo novo, moderno e adaptado para os cativos do municipio que incluirá a instalación dunha pista polideportiva e xogos novos que farán as ledicias dos nenos e nenas, ademais de cambiar o peche perimetral e o acceso ó mesmo.
A parte destas obras nas próximas semanas aprobarase tamén un proxecto por 150.000 euros para a reforma da zona de xogos e calistenia do Parque Público A Canuda e un proxecto de máis de 350.000 euros para asfaltados en viais municipais.
Salvaterra de Miño é un dos concellos que máis crece da comunidade, cunha poboación infantil moi importante, son un total de 846 nenos e nenas na franxa de idade de 0 a 10 anos, e polo tanto é unha prioridade para este equipo de goberno continuar traballando neste ámbito.
