Case unha vintena de postos de artesanía, comida e artigos de segunda man participaran no Mercado Milenario dentro do recinto amurallado.
O vindeiro 25 de maio Salvaterra de Miño celebra os mil anos de historia da vila tal e como consta no primeiro documento escrito que fai referencia a esta localidade e data do 24 de maio do ano 991.
Con motivo desta celebración, o Concello de Salvaterra de Miño prepara un día de actividades no recinto amurallado pensada para tod@s.
Nesta ocasión dende a Concellería de Cultura organízase un Mercado Milenario onde case unha vintena de postos ambientados na época medieval participarán na celebración. O mercado ubicado no recinto amurallado de Salvaterra poderá visitarse durante todo o día, dende as 10:30 horas e ata as 21:30 horas.
Os postos formados por artesáns, comercios e asociacións contará con produtos de madeira, xoguetes, bisutería, segunda man, libros, comida, bebida, pintacaras e outras actividades para @s nen@s, entre outros produtos e servizos.
Durante todo o día Salvaterra Milenaria contará tamén con diferentes actividades para @s máis pequen@s e para toda a familia. Pola mañá ás 11:00 horas comezará a programación con xogos populares e tradicionais como zoca, os zancos, o burro, as pontes, a chave de ferrolterra ou a chave ourensá. Estes xogos, coa estética tradicional e medieval, son interxeracionais, o que permiten o libre xogo e desfrute entre maiores e pequen@s.
Xa ás 12:00 horas diante da Biblioteca teremos unha actividade para @s nen@s interactiva e foi didáctica “A Caixa do Conto” onde se explicará a historia de Salvaterra de Miño.
As actividades continúan pola tarde co “Misterio das 7 Portas” onde @s pequen@s poderán descubrir máis da vila cun percorrido cheo de enigmas e adiviñas polo Museo da Ciencia do Viño. A continuación ás 18:30 horas rematará a programación de actividades cun gran xogo de desfrute en familia no que se coñecen e descubren curiosidades e misterios sobre a terra salvaterrense “Salvaterra Milenaria. Entre murallas e misterios”, probas que permiten ós xogadores indagar libremente polo recinto da muralla namentres superan os diferentes retos.
