Esta actuación, que vai a crear un núcleo de centralidade no barrio, estará licitada no primeiro semestre do ano e que dende o Goberno Local agardan iniciar os traballos neste 2024.
A Praza da Pedreira será a primeira actuación que levará a cabo o Goberno Local de Soutomaior para o proceso de transformación rural e urbana que ten proxectado para este mandato.
Tal e como anunciou nesta xornada o alcalde de Soutomaior, Manu Lourenzo, “esta é a primeira das moitas actuacións que se levarán a cabo nos distintos barrios do concello co fin de vertebralos e de poñer en valor a arquitectura e a paisaxe de Soutomaior seguindo modelos doutros concellos como podo ser Tomiño e Allariz”.
Con este proxecto de transformación rural e urbana, dende o Goberno Local, buscan crear núcleos de centralidade nos barrio, vertebrar o municipio e conseguir espazos rurais e urbanos amables, pensado para as persoas, cun modelos de posta en valor do noso.
Este proxecto está realizado polo estudo de Cendón Vázquez arquitectos e dende o Goberno Local agardan licitar esta obra no primeiro semestre deste 2024 co fin de comezar os traballos neste ano.
Estas actuacións ademais de vertebrar o concello pretenden poñer en valor o patrimonio, o urbanismo tradicional do concello de Soutomaior, ao que o Manu Lourenzo destaca e lembra que “temos un concello marabilloso, cunhas posibilidades infinitas, e xa é tempo de que se poña en valor para que o espazo rural e urbano podan estar á altura do que merece a veciñanza”.
