Esta actividade de dinamización social, cultural, musical e relixiosa converteuse nunha cita obrigada no mes de novembro
Un total de 50 postos de exposición confirmaron xa a súa presenza na IV Romaría Mercado Artesanal de San Martiño de Penalba organizado polo cura párroco Fermín Santiago Iglesias e a Unidad Pastoral de Campo Lameiro e que terá lugar este domingo día 12 de novembro a partir das 10 horas da mañá.
Ante calquera imprevisto metereolóxico, a organización ten previsto instalar unha carpa xigante que dea acubillo tanto ao público como aos expositores neste encontro coa artesanía, a música, o polbo á feira e o churrasco para festexar a San Martiño e para reactivar e dinamizar a actividade social do municipio e arredores.
A xornada contempla unha parte adicada á súa vertente relixiosa con dúas misas rezadas, ás 10 e ás 11 horas da mañá, mentras que a misa cantada terá lugar ás 12:30 horas na capela de San Antonio de Penalba, lugar que concentrará toda a actividade festiva e relixiosa do domingo 12 de novembro.
SORTEOS DE PASES PARA BALNEARIOS, LOTARÍA, COMBUSTIBLE, ETC.
Pola súa banda o mercado artesanal, que abrirá ao público ás 10 horas da maña, contará cuns 50 expositores que amosarán baixo unha carpa xigante instalada na explanada da área recreativa de San Antonio de Penalba, en Campo Lameiro, as súas creacións e mercadurías diversas.
A organización porá á venda unha serie de rifas a 2 euros cada unha para axudar nos gastos que se produzan na celebración deste evento. Sortéanse un total de 5 premios que van desde accesos ó balneario de Cuntis ata décimos da Lotaría de Nadal e produtos galegos pasando por combustible e unha cea para dúas persoas. Colaboran con esta iniciativa de dinamización rural, ademáis do Concello, o Campo Lameiro CD así como Termas de Cuntis, Mapfre Cuntis, a Coral Polifónica de Campo Lameiro, Estación de Servizo Peineto e Casa Tito.
Para amenizar a xornada, está previsto que a Charanga A Cabeza Non Para que empece a tocar a partir das 11:30 horas para animar aos asistentes a gozar dos postos de xantar habilitados pola organización, especialmente o bar, polbo á feira, churrasco, carne ao caldeiro e os callos facilitados polo coñecido e afamado Bar Timonel.
A sesión musical da tarde correrá a cargo de Emilio Padrón e o Dj Tony que animarán aos asistentes a pasar unha xornada divertida convidando á concurrencia a disfrutar do baile tanto tradicional como os ritmos máis actuáis.