Home Vigo Baiona A Escola de Verán do Concello de Baiona cumpre 15 anos ampliando...

A Escola de Verán do Concello de Baiona cumpre 15 anos ampliando a súa duración

- Anuncio -

A concellería de Igualdade do Concello de Baiona abre o prazo para solicitar praza para participar na Escola de Verán 2024. Este ano cúmprense 15 anos da posta en marcha deste programa e o Concello de Baiona, a través da concellería de Igualdade, dando resposta ás demandas das familias amplía a duración da escola iniciándose a partir do día seguinte en que finaliza o curso escolar.

Desenvolverase desde o luns 24 de xuño ata o 31 de xullo no CPI Cova Terreña e CEP Sabaris en horario de 8:00 a 15:00, salvo festivos. Haberá flexibilidade no horario de entrada (de 8:00 a 9:00h.) e no horario de saída (de 14:00 a 15:00h) sempre que se sinale na solicitude. Ofértanse 120 prazas. A Escola de Verán está dirixida a nenos e nenas nacidos entre o ano 2012 e 2020.

Iniciouse no ano 2009 como experiencia piloto no CPI Cova Terreña ofertando 40 prazas, co obxectivo de promover a conciliación da vida familiar e laboral e ao mesmo tempo facilitar un espazo educativo, de lecer e entretemento para nenos e nenas do municipio favorecendo o seu desenvolvemento integral. No ano 2010 ampliouse ao CEP Sabaris . Desde entón ata o de agora veuse desenvolvendo nos dous centros escolares durante todo o mes de xullo.

Ten como obxectivo xeral “facilitar ás familias do municipio un recurso para conciliar a vida laboral, persoal e familiar, establecendo un servizo sociocomunitario que mellore a calidade de vida do territorio, potenciando ademais a optimización de recursos a través da utilización dos centros educativos municipais fose do horario lectivo”.

As persoas interesadas deberán presentar a solicitude de inscrición(Anexo I)debidamente cumprimentada e asinada, xunto coa documentación requirida #de acordo con o artigo 8 da convocatoria, do venres 26 de abril ao venres 10 de maio ambos os incluídos, no rexistro xeral do Concello de Baiona de luns a venres en horario de 9:00 a 14:00h, ou a través da sede electrónica do Concello de Baiona. No caso de solicitudes presentadas pola sede electrónica, estas poderán presentarse en calquera hora ou día durante a vixencia do prazo de solicitudes ata o venres 10 de maio.

A Escola de Verán do Concello de Baiona está cofinanciada polas familias participantes, o Concello de Baiona e a Deputación de Pontevedra a través da liña 2 de Plan Más Provincia .

As bases que rexen a convocatoria pódense recoller no Rexistro xeral do Concello de Baiona ou descargalas da páxina web do concello: https://www.baiona.gal/avisos-importantes-é/a-escola-de-verán-do-concello-de-baiona-cumpre-15-anos-ampliando-o seu-duracion/

Para máis información poden contactar no 986 357 554 / 986 357 552 ou solicitar a documentación a través de correo electrónico na dirección administrativo.cim@baiona.gal

Relacionadas

A Deputación celebra a integración do Museo de Pontevedra en CODART, unha rede de...

0
“Con esta noticia completamos unha semana de grandes avances liderados polo Museo de Pontevedra para converter á provincia no epicentro cultural internacional”, remarcou o...

A Deputación de Pontevedra abre no Palacete das Mendoza a exposición “Música e pintura”...

0
A mostra do artista coruñés poderá visitarse na sede de Turismo Rías Baixas ata o vindeiro 2 de xuño A Deputación de Pontevedra acaba de...

A Deputación leva o programa provincial +Música este sábado a Bueu co concerto de...

0
O calendario do programa inclúe concertos nos 59 concellos da provincia de menos de 50.000 habitantes, que se celebrarán ata o próximo mes de...

A Deputación leva o programa provincial +Música este domingo a Rodeiro con Boyanka Kostova

0
O calendario do programa inclúe concertos nos 59 concellos da provincia de menos de 50.000 habitantes, que se celebrarán ata o próximo mes de...

O concello presenta a primeira edición do concurso Balcóns Floridos

0
O certame premiará aos balcóns mellor decorados e contempla un premio específico para as parroquias  As inscricións estarán abertas ata o próximo 30 de maio O...

Montse Prado acusa ao PP de antepoñer os intereses da empresa de ambulancias da...

0
A deputada do BNG reclama a Sanidade que actúe para rematar coa incerteza na que se atopa o cadro de persoal, que sofre impagos...

Publicacións Relacionadas