test
Home Pontevedra Montse Prado acusa ao PP de antepoñer os intereses da empresa de...

Montse Prado acusa ao PP de antepoñer os intereses da empresa de ambulancias da área de Vigo á calidade do servizo

- Anuncio -

A deputada do BNG reclama a Sanidade que actúe para rematar coa incerteza na que se atopa o cadro de persoal, que sofre impagos e retrasos nas nóminas

A portavoz de Sanidade do BNG, Montse Prado, acusou este xoves á Consellería de Sanidade de antepoñer os intereses empresariais da concesionaria das ambulancias na área de Vigo á calidade na prestación do servizo,  que leva tempo deteriorándose, co risco que iso supón na atención aos doentes.  Emprazou así ao Goberno do PP a actuar xa para arranxar unha situación agravada polos problemas económicos que atravesa a empresa.

Prado fíxose eco na Comisión 5ª de Sanidade das denuncias feitas polo persoal sobre a “gravísima situación” na que se atopa Ambulancias do Atlántico, a empresa concesionaria do 061 en Vigo, Cangas e Moaña, que tamén presta o servizo de transporte sanitario dos hospitais para toda a área sanitaria de Vigo.

Denunciou, neste sentido, impagos e retrasos no aboamento dos salarios aos 260 traballadores e traballadoras, e impagos tamén aos proveedores, acumulando en total unha débeda que podería rondar o medio millón de euros.

“As tarxetas de pago que se empregan para a reportaxe das ambulancias deixaron de funcionar e xa só son atendidos nunha gasolineira”, puxo como exemplo da situación que se están a vivir os traballadores da concesionaria que, tal e como lembrou a deputada nacionalista, xa protagonizou “escándalos e conflitos” noutras partes do Estado, como Castela a Mancha ou Euskadi.

É por iso que Prado criticou que Sanidade fixese “ouvidos xordos” as advertencias que o BNG leva facendo dende hai anos, pedindo rectificar unha política que prima os criterios económicos sobre a calidade asistencial, exercer o labor de control sobre a calidade do servizo e garantir os dereitos laborais das persoas traballadores.

“A gravidade da situación no é compatíbel coa pouca presa da Xunta por solucionar o problema”, manifestou Montse Prado, denunciando que a situación no servizo “pon en risco a saúde e a vida da veciñanza e vulnera os dereitos do persoal”, grazas ao cal as ambulancias seguiron traballando.

Recate da concesión

A deputada do Salnés criticou ao Goberno do PP por “mirar para outro lado” e non ter rescatado o contrato da concesión, tal e como pediu o Bloque, a pesar de que a empresa incumpriu de maneira reiterada as condicións do mesmo. “Non actuaron e agora teñen que recorrer a un contrato de emerxencia, a dedo”, reprobou Prado durante a pregunta formulada á secretaria xeral de Sanidade, Natalia Lobato.

Prado reclamou á Consellería que actúe para rematar coa incerteza na que se atopa o cadro de persoal, garantindo os seus dereitos, os cobros puntuais e que se lles pague a débeda. Solicitou así mesmo que fiscalice a liquidación do contrato coa empresa para determinar a que se destinaron os recursos públicos que se lle aboaron -toda vez que acumula impagos duns 500.000 euros-  e que se active a un procedemento de emerxencia para o servizo programado que tamén está sendo prestado pola mesma empresa.  

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas