― Estarán destinadas aos quirófanos asignados aos servizos de Urxencias, Anatomía Patolóxica, Cardioloxía, Dermatoloxía, Traumatoloxía, así coma á área de intervencionismo cardiovascular, a Nefroloxía e ao novo bloque obstétrico do hospital
A Xunta de Galicia ven de licitar o subministro de lámpadas cirúrxicas por máis de 600.000 € para a posta en marcha dos servizos sanitarios vinculados ao Plan Funcional e de espazos do hospital Novo Montecelo de Pontevedra, así coma para a posta en marcha e funcionamento dos servizos vinculados ás obras da Fase 1 do Plan Director do Complexo Hospitalario de Ferrol.
As lámparas cirúrxicas para o hospital Novo Montecelo estarán destinadas aos quirófanos asignados aos servizos de Urxencias, Anatomía Patolóxica, Cardioloxía, Dermatoloxía, Traumatoloxía, así coma á área de intervencionismo cardiovascular, a Nefroloxía e ao novo bloque obstétrico do hospital.
LED de última xeración con 160.000 lux de potencia
Cómpre sinalar que estas lampadas cirúrxicas contan con tecnoloxía LED de última xeración, cunha potencia de 160.000 lux. Están deseñadas para dar a máxima potencia lumínica posible, que incluso pode regularse tanto en intensidade coma en cor. Dispoñen dunha lámpada principal e outras satélites, emprazadas cada unha nun eixo de anclaxe. Así mesmo, dispoñen de 6 eixes de angulación e a súa distribución lles permite un amplo radio de luz, con ata 360 graos de rotación.
Naquelas lampadas de quirófano nas que se require unha estructura con dúas cúpulas, a súa disposición será en dous eixes -unha cúpula en cada eixe- o que lles vai permitir unha maior flexibilidade no tocante aos seus alcances e ergonomía. Así mesmo, estas estructuras lumínicas incluirán monitores 4K, o que lles proporciona unha calidade de imaxe superior con respecto a licitacións anteriores.
Calcúlase que a vida útil das lámpadas cirúrxicas para os servizos sanitarios vinculados ao Plan Funcional e de espazos do hospital Novo Montecelo superarán as 60.000 horas e, aínda que aportarán unha alta intensidade lumínica, serán de baixo consumo. Esta licitación responde ao compromiso da Xunta de Galicia de potenciar a calidade da cobertura sanitaria pública á poboación de Pontevedra e O Salnés, aportando tamén os últimos avances tecnolóxicos lumínicos cirúrxicos de vangarda.
