Home Xunta de Galicia A Xunta licita por 4,2 M€ a xestión integral das plantas de...

A Xunta licita por 4,2 M€ a xestión integral das plantas de biorresiduos de Cervo, Verín e Vilanova de Arousa

- Anuncio -

O contrato, cunha duración de dous anos prorrogable de forma excepcional por outros nove meses, inclúe a operación, mantemento e limpeza das tres instalacións, así como a distribución e comercialización do compost elaborado a partir da materia orgánica

A Xunta de Galicia, a través da empresa pública Sogama, licitou esta semana por un importe inicial de 4.247.900 euros, IVE incluído, a xestión integral das plantas de biorresiduos de Cervo (Lugo), Verín (Ourense) e Vilanova de Arousa (Pontevedra).
O contrato, con dous anos de duración e unha prórroga excepcional de nove meses, inclúe a operación, mantemento e limpeza destas tres instalacións —propiedade de Sogama—, cuxa función é elaborar compost de calidade a partir da materia orgánica depositada polos cidadáns nos contedores marróns municipais. O prazo para poder presentar ofertas estará aberto ata o próximo 1 de abril.
O proceso industrial contemplará as fases de pretratamento, fermentación, maduración e afino, conforme aos manuais de operación dos distintos equipos e atendendo ás indicacións dos fabricantes, debendo asumir tamén a firma que resulte adxudicataria a distribución e comercialización do abono resultante.
Sogama prevé que a xestión integral destas plantas, cunha capacidade conxunta para tratar 21.000 toneladas de materia orgánica e 7.000 toneladas de estruturante —restos vexetais secos procedentes de podas, por exemplo— dea comezo unha vez conclúa a súa fase de posta en marcha, actualmente en mans das empresas adxudicatarias da súa construción. Neste sentido, o calendario que se manexa é o próximo 1 de xuño para a de Cervo; o 1 de xullo no caso da de Verín; e o 2 de novembro para a de Vilanova de Arousa.
Rede de infraestruturas con 17 instalacións
Cómpre lembrar que Sogama, por encargo da Xunta, completou no ano 2023 unha rede pública de infraestruturas para a valorización da materia orgánica, conformada por estas tres instalacións de biorresiduos (Cervo, Verín e Vilanova), ademais da de Cerceda, e 13 plantas de transferencia de apoio ás que se dotou dunha tolva específica para o transvasamento da materia orgánica desde os camións de recollida municipal, sendo esta transportada á planta pública máis próxima.
O obxectivo co que se impulsou esta rede era axudar ás entidades locais a dar debido cumprimento á lexislación vixente e propiciar que a práctica totalidade dos municipios adheridos a Sogama (295) dispuxesen dunha planta de biorresiduos ou de transferencia a menos de 50 quilómetros de distancia.
Para levar a cabo este labor, a empresa pública realizou un investimento de 45 millóns de euros, dos cales 30 millóns de euros procederon dos Fondos FEDER REACT-EU como resposta da Unión Europea á crise da Covid-19.

Relacionadas

A Fundación Galicia Europa inaugura a 20ª edición do curso de financiamento eurpeo...

0
Este curso brinda ás entidades galegas a oportunidade de coñecer o funcionamento dos fondos da UE e o proceso de presentación de proxectos europeos A...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

A Xunta salienta a colaboración entre o laboratorio de Medio Ambiente de Lourizán e Augas...

0
— Paula Uría subliña que estas instalacións se especializan na realización de análises biolóxicas e no control de calidade das augas naturais, con máis...

González reafirma o compromiso co emprendemento e o emprego para xerar riqueza e fixar...

0
José González destacou a aposta por cubrir as arredor de 15.000 vacantes laborais existentes, coa ferramenta EMi que liga oferta e demanda con intelixencia...

A Xunta pon en valor o papel das Oficinas de asistencia ás vítimas na...

0
O director xeral de Xustiza, José Tronchoni, e o director xeral de Loita contra a Violencia de Xénero, Roberto Barba, participaron hoxe nunha...

Publicacións Relacionadas