Diego Calvo asistiu na Coruña ao evento Brazada solidaria Móllate pola diabetes

O conselleiro de Presidencia, Xustiza e Deportes, Diego Calvo, asistiu hoxe na Coruña ao evento Brazada solidaria. Móllate pola diabetes, enmarcado no foro Diabetes Evolution organizado polo Complexo Hospitalario Universitario da Coruña e a Sociedade Galega de Endocrinoloxía e Nutrición. Na súa intervención, o conselleiro incidiu na importancia da práctica deportiva a prol da saúde e, especialmente na prevención da diabetes. Nesta liña, Diego Calvo referiuse á aposta da Xunta por impulsar a actividade física ao longo de toda a vida, con programas como Xogade, dirixido á poboación escolar, ou Adestra a túa saúde, destinado a maiores de 60 anos.