A conselleira de Política Social e Igualdade participa na IV Festa dos Callos Solidaria de Outes, onde destaca o labor da entidade, das familias e das 200 empresas colaboradoras
A conselleira de Política Social e Igualdade, Fabiola García, participou esta mañá na participou hoxe na IV Festa dos Callos Solidaria organizada pola Asociación de Discapacitados da Bisbarra de Muros (Adisbismur). Esta celebración tense consolidado como un referente de compromiso social e solidariedade na comarca e contou coa participación de centos de persoas.
Durante a súa intervención, Fabiola García puxo en valor o papel desta entidade, que “suma máis de catro décadas traballando para mellorar a calidade de vida das persoas con discapacidade, favorecer a súa autonomía e avanzar cara a unha sociedade cada vez máis inclusiva”. Ademais, a conselleira, que estivo acompañada do alcalde de Outes, Francisco Calo, e do presidente de Adisbismur, Ramón Sestayo, tamén quixo agradecer a implicación das preto de 200 empresas colaboradoras e de todas as persoas voluntarias que fan posible este evento solidario.
Por último, subliñou a importancia de iniciativas como esta Festa dos Callos Solidaria, que, segundo destacou, “permiten reforzar o apoio ao movemento asociativo e recoñecer o traballo que desenvolven as entidades do terceiro sector social”.
