- Atendéronse 901 urxencias no Complexo Hospitalario Universitario de Pontevedra e 497 no Hospital Público do Salnés durante os pasados venres 14, sábado 15, e onte domingo 16
- O PAC de A Parda en Pontevedra atendeu a 538 pacientes coincidindo co remate das celebracións patronais da Virxe Peregrina
- Durante a Festa da Auga de Vilagarcía de Arousa, o Punto de Atención Continuada desta localidade asumiu 492 urxencias
- O PAC do centro de saúde de Baltar en Sanxenxo atendeu 483 asistencias, o PAC de Bueu asumiu 216 urxencias, o PAC de Caldas de Reis 304, Marín atendeu 270, O Grove 244, o PAC de Cambados 370 e o PAC de Terra de Montes 66 asistencias
Cun total de 4.381 asistencias atendidas nos seus servizos de urxencias hospitalarios e extrahospitalarios, a Área Sanitaria de Pontevedra e O Salnés consolidou esta pasada fin de semana festiva de agosto a súa prestación de atención continuada, especialmente durante os eventos festivos masivos programados en varios concellos do seu eido asistencial territorial.
Deste xeito, entre o pasado venres 14 e onte domingo 16 de agosto, os nove Puntos de Atención Continuada da área de saúde prestaron un total de 2.983 asistencias. Dese global de actividade de urxencias extrahospitalarias, no PAC de A Parda en Pontevedra atendéronse a 538 pacientes nas xornadas coincidentes co final das celebracións patronais da Virxe Peregrina (116 o venres, 226 o sábado e 196 onte, domingo).
Asistencias durante a Festa da Auga vilagarciá
Así mesmo, durante os festexos patronais da Festa da Auga de Vilagarcía de Arousa, a Área Sanitaria asumiu no Punto de Atención Continuada do centro de saúde de San Roque nesta localidade entre o pasado venres 14 e onte domingo 16 de agosto un total de 492 urxencias (121 o venres, 192 o sábado e 179 onte, domingo).
No PAC de O Grove atendéronse 244 urxencias (59 o venres, 96 o sábado e 89 onte, domingo) e no PAC de Cambados 370 asistencias urxentes (95 o venres, 136 o sábado e 139 onte, domingo).
Nas urxencias extrahospitalarias do centro de saúde de Baltar, en Sanxenxo, asumíronse nesta pasada fin de semana festiva de agosto 483 asistencias (120 o venres, 182 o sábado e 181 o domingo); o PAC de Bueu atendeu 216 urxencias (52 o venres, 77 o sábado e 87 onte), o PAC de Caldas de Reis 304 (95 o venres, 97 o sábado e 112 o domingo) , Marín atendeu 270 (72 o venres, 85 o sábado e 113 onte, domingo) e o PAC de Terra de Montes 66 asistencias (18 o venres, 28 o sábado e 20 onte, domingo).
1.398 urxencias hospitalarias na Área
No que atinxe ás urxencias hospitalarias, a Área Sanitaria de Pontevedra e O Salnés atendeu durante os pasados venres 14, sábado 15 e onte domingo 16 de agosto un total de 1.398 urxencias -das que 901 urxencias asumíronse no Complexo Hospitalario Universitario de Pontevedra (299 o venres, 282 o sábado e 320 onte, domingo) e 497 no Hospital Público do Salnés en Vilagarcía de Arousa (155 o venres, 178 o sábado e 164 onte, domingo)-.
