Home Xunta de Galicia Rueda destaca o labor dos empresarios xoves polo crecemento económico de Galicia

Rueda destaca o labor dos empresarios xoves polo crecemento económico de Galicia

- Anuncio -

― Manifesta a súa confianza polo futuro económico de Galicia


― Eloxia á mocidade que se animan a emprender na comunidade


― Mostra o compromiso da Xunta de apoiar as iniciativas que creen emprego

O presidente da Xunta de Galicia, Alfonso Rueda, destacou hoxe o traballo dos emprendedores e empresarios xoves, que co seu labor contribúen ao crecemento económico de Galicia.

Fíxoo durante a XIII edición dos Premios Xove Empresario e Iniciativa de Galicia, nos que tres xoves emprendedores foron galardoados pola súa contribución na creación de emprego, polo proxecto innovador e por destacar en Responsabilidade Social Empresarial. Na gala, Alfonso Rueda manifestou a súa confianza polo futuro económico da comunidade, froito do que asegura que é un gran relevo xeracional.

Nesta liña, eloxiou aos galardoados e a toda a xente nova que se anima a emprender e a crear a súa propia empresa en Galicia. Para Rueda, é moi de encomiar a ilusión dos que se lanzan pola súa conta neste contexto de incerteza financeira.

O presidente do Goberno galego tamén quixo mostrar o compromiso do seu Executivo para apoiar toda iniciativa privada que cree emprego e busque o ben común dos cidadáns. Neste sentido, recordou que a Xunta de Galicia é a Administración autonómica que realizou un maior esforzo de investimento en políticas activas de emprego nos dous primeiros meses de 2024, con máis de 205 millóns de euros mobilizados.

Ademais, salientou as axudas do Goberno galego á area de emprendemento a través da Rede de Polos de Emprendemento e Apoio ao Emprego, que ten como obxectivo sumar un total de 15 Polos distribuídos por toda a xeografía galega.

Antes de rematar a súa intervención, Alfonso Rueda deu o parabén aos galardoados e animoulles a que o recoñecemento que recibían hoxe fose un aliciente para seguir traballando con ilusión por cumprir os seus soños, á vez que seguen sendo un referente para o crecemento social e económico de Galicia.

Relacionadas

A Fundación Galicia Europa inaugura a 20ª edición do curso de financiamento eurpeo...

0
Este curso brinda ás entidades galegas a oportunidade de coñecer o funcionamento dos fondos da UE e o proceso de presentación de proxectos europeos A...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

A Xunta salienta a colaboración entre o laboratorio de Medio Ambiente de Lourizán e Augas...

0
— Paula Uría subliña que estas instalacións se especializan na realización de análises biolóxicas e no control de calidade das augas naturais, con máis...

González reafirma o compromiso co emprendemento e o emprego para xerar riqueza e fixar...

0
José González destacou a aposta por cubrir as arredor de 15.000 vacantes laborais existentes, coa ferramenta EMi que liga oferta e demanda con intelixencia...

A Xunta pon en valor o papel das Oficinas de asistencia ás vítimas na...

0
O director xeral de Xustiza, José Tronchoni, e o director xeral de Loita contra a Violencia de Xénero, Roberto Barba, participaron hoxe nunha...

Publicacións Relacionadas