O concello de Pazos de Borbén organiza unha charla informativa sobre a factura eléctrica

Será impartida por técnicos do Instituto Galego de Consumo e Competencia
O Concello de Pazos de Borbén organiza este venres, a partir das 17:30 horas no Salón de Actos municipal, unha charla-coloquio para asistir aos veciños #ante os últimos cambios realizados na tarifa eléctrica. A sesión contará con técnicos especialistas neste campo que propoñerán aos veciños varias formas para reducir o seu consumo e minimizar o impacto das últimas subidas.
Así, os expertos explicarán como se interpreta o recibo da luz, en que consisten as variacións introducidas na factura e os dereitos e as obrigacións que teñen os usuarios a este respecto. Ademais, explicarase a diferenza entre o mercado libre e o regulado, os sistemas de tarificación, como se realizan as reclamacións e resolveranse dúbidas específicas.
“Con todos os cambios de tarifas, subidas e baixadas constantes, os prezos do gas… é normal que os veciños teñan dúbidas e reclamen #ante a chegada de recibos que consideran desproporcionados”, explicou o alcalde, Andrés Iglesias, que destacou a importancia desta charla “para dar aos veciños unha forma de evitar sustos e que saiban como reclamar e defenderse chegado o caso”, finalizou o rexedor.