O Consello Local de Cambados expresa a súa preocupación sobre as obras de remodelación da Praza de San Gregorio que, por un cúmulo de erros do Goberno municipal, levan máis tempo paradas que en execución. Xa comenzaron con case medio ano de retraso; estando anunciadas para xusto despois do verán, e sen motivo coñecido, non se iniciaron ata febreiro.
Unha vez empezadas, preteníase instalar un pavimento drenante, incompatible coa climatoloxía da nosa zona e coas edificacións da praza. Lonxe de mellorar a zona, ese pavimento provoca problemas de humidades nos edificios colindantes. Tiveron que modificar o proxecto e, mentres tanto, as obras permaneceron paradas durante semanas.
Agora que xa parecían encamiñadas, o Goberno admite que tampouco tiñan previsto o soterramento do cableado. Co que deberon parar de novo as obras, modificar o proxecto, e executar os cambios. De novo, máis gasto e retrasos.
É difícil de comprender que ningúen no Goberno comprobasen nin cuestionasen o proxecto. Anque xa é habitual, ao BNG non deixa de sorprendernos e preocuparnos a súa improvisación e a neglixencia.
Este episodio demostra de novo que o BNG é a única alternativa ao Partido Popular que sabe e pode xestionar con eficacia os prezados recursos públicos. Sen o orden que nós impoñemos, este Goberno vai a tombos, a costa de estragar tempo, cartos, e paciencia.
