• Actúase no tramo que cruza coa rúa Galea xa que presenta afundimentos no firme, que provocaban problemas na circulación de vehículos.
• Demolerase o pavimento actual e instalarase a rede de saneamento e a de pluviais.
O Concello de Miño iniciou as obras de mellora na rúa Camiño Real, que están financiadas a través do Plan Único da Deputación dá Coruña e que forman parte dun proxecto polo que tamén se actuará, posteriormente, en Leiro e Sombreu.
Actuarase no tramo que cruza coa rúa Galea xa que presenta afundimentos no firme que provocan problemas na circulación de vehículos. Os traballos neste punto inclúen a demolición do pavimento actual, a reposición de tubaxes e a instalación pozos de rexistro para saneamento e pluviais e o posterior asfaltado da plataforma.