· Os populares explican que o borrador do PEPRI contén “determinacións fundamentais” para o futuro desenvolvemento do Casco Histórico de Allariz que afectan “á totalidade das propiedades situadas no ámbito do plan especial”
· O grupo municipal do PP de Allariz puido comprobar que “en moitas parcelas prívase aos seus propietarios de edificacións que estaban permitidas no PEPRI de 1995 todavía vixente”. Ademais hai outras edificacións, detallan, “nas que se diminúe o número de plantas permitidas ou o fondo máximo permitido”
O pasado 17 de abril iniciouse o período de consulta do Plan Especial de Protección e Reforma Interior (PEPRI) do Casco Histórico de Allariz na fase de tramitación ambiental, en base ao borrador do plan e ao documento ambiental estratéxico elaborados polo Concello, “sen que o grupo de goberno do BNG dese coñecemento do mesmo nin aos veciños nin aos grupos da oposición”, segundo denuncia o grupo municipal do PP de Allariz.
A voceira popular e candidata o vindeiro 28 de maio, Luz Doporto, explica que o borrador do PEPRI contén determinacións fundamentais para o futuro desenvolvemento do Casco Histórico de Allariz que afectan “á totalidade das propiedades situadas no ámbito do plan especial”. Entre estas determinacións, remarca, “cabe destacar parcelas que se clasifican como zonas verdes, que deben ser expropiadas, ou edificacións que se clasifican como equipamientos, que tamén deben ser expropiadas”.
O PEPRI do Casco Histórico tamén establece o que se pode edificar en cada parcela. O grupo municipal do PP de Allariz puido comprobar que “en moitas parcelas prívase aos seus propietarios de edificacións que estaban permitidas no PEPRI de 1995 todavía vixente. Hai ademáis edificacións nas que se diminúe o número de plantas permitidas ou o fondo máximo permitido”.
Os cambios introducidos no novo PEPRI do Casco Histórico respecto do PEPRI de 1995 explican, segundo sinala Luz Doporto,“o escurantismo e falta de transparencia coa que o grupo de goberno do BNG está tramitando o Plan especial do Casco Histórico de Allariz”.
