Hoxe, xusto antes do empezo do partido de volei da SM2, rendéuselle á surfista Candela Pérez Dopico a homenaxe que tiñamos pendente desde decembro, cando acadou en Canarias o subcampionato europeo da categoría SUB-10.
Entregóuselle un cadro obra de Carlos Garcia Romero e ademais o Club Deportivo Aldebarán San Sadurniño tamén agasallou á nosa campioa cunha camiseta asinada por todos os xogadores do primeiro equipo. Nela levaba escrita a mensaxe que todas e todos subscribimos: “Noraboa por facer historia”.
Candela recibiu o aplauso de todo o pavillón, dos xogadores do Aldebarán e do Arona Playa de los Cristianos -moi preto de onde conseguiu a prata europea- e das súas compañeiras e compañeiros do equipo RSM Surf School de Pantín, auténtica canteira de surfistas de primeiro nivel.
