A Área Sanitaria de Pontevedra e O Salnés convocou á poboación dentre 40 a 79 anos de idade coa súa tarxeta sanitaria activa asignada no centro de saúde de O Toural, colectivo que nesta localidade acada as 2.722 persoas
Finalmente, achegáronse a efectuar o cribado un total de 1.854 cidadáns, cifra que representa unha porcentaxe do 68,1 por cento da convocatoria voluntaria
O Servizo Galego de Saúde detectou un positivo por COVID-19 nos cribados poboacionais con test rápidos de antíxenos efectuados durante as tardes dos pasados luns 15, martes 16 e mércores 17 de febreiro de 2021 no Centro de Atención Primaria de O Toural do Concello de Vilaboa.
Cómpre lembrar que á dita iniciativa preventiva o Servizo Galego de Saúde convocara en pasadas datas, de xeito gradual e vía SMS telefónico, á poboación vilaboense dentre 40 a 79 anos de idade coa súa tarxeta sanitaria activa con asignación no centro de saúde deste Concello, colectivo que nesta localidade acada as 2.722 persoas.
68,1 por cento da convocatoria voluntaria
Finalmente, achegáronse a efectuar o cribado un total de 1.854 cidadáns, cifra que representa unha porcentaxe do 68,1 por cento da convocatoria voluntaria.
Para levar a cabo este cribado, A Administración Sanitaria Pública galega contou no centro de saúde de O Toural con tres equipos de enfermaría en cada turno, que efectuaron tarefas de control e cumprimento das medidas de seguridade, realización e procesado das mostras nasofarínxeas e información aos usuarios do Concello de Vilaboa.
