• As solicitudes para realizar a proba de acceso a 1º curso poderán presentarse do 31 de agosto ao 3 de setembro no Pazo da Cultura
• As familias interesadas en matricular aos nenos e nenas nados nos anos 2019 e 2020 poden informarse no teléfono 981 704 300
O Conservatorio Profesional de Música (CMUS) de Carballo vén de anunciar a apertura do proceso de admisión para a proba extraordinaria de acceso ao primeiro curso de Grao Elemental correspondente ao ano académico 2026-2027. Para este período, o centro ofrece prazas nas especialidades instrumentais de Piano, Trompeta e Viola.
As persoas interesadas en realizar a proba de acceso deberán formalizar a súa inscrición do 31 de agosto ao 3 de setembro de 2026, entregando a documentación nas oficinas do Pazo da Cultura de Carballo.
A proba de acceso terá lugar o luns 7 de setembro, ás 17:00 horas, na Aula CeMIT, situada no primeiro andar do edificio.
Unha vez superada a proba, o prazo xeral de matrícula para este alumnado estará aberto os días 8 e 9 de setembro, tamén nas oficinas do Pazo da Cultura.
Posteriormente, os días 14 e 15 de setembro procederase á escolla de horarios de instrumento; a data concreta para cada alumno/a pode consultarse no taboleiro de anuncios do centro ou aquí.
Prazas en Iniciación Musical
Así mesmo, o CMUS de Carballo lembra que aínda quedan prazas dispoñibles para os cursos de Iniciación I e II, dirixidos a´rapazada nacida nos anos 2019 e 2020.
Para obter máis información sobre os requisitos, a documentación necesaria ou calquera outra consulta sobre o proceso de admisión, as persoas interesadas poden contactar directamente co centro no teléfono 981 704 300 ou dirixirse ás oficinas do Pazo da Cultura.
