- Todas as actividades contan con protocolos anticovid
- O Concello de Soutomaior acaba de abrir o prazo de inscrición para as escolas deportivas municipais 2021-2022. A proposta inclúe varias disciplinas adaptadas a diferentes idades como o pádel, tenis, baile moderno e de salón, patinaxe, ximnasia rítmica e acrobática, iniciación ao deporte, natación, baloncesto e actividade física para adultos. Todas as actividades son impartidas por monitores titulados.
Os grupos de cada actividade terán un límite máximo de participantes, con preferencia para os empadroados no Concello de Soutomaior, en función dos protocolos ditados pola Xunta de Galicia en relación ao deporte non federado galego. Para participar en todas as actividades é preciso o uso de máscara e o cumprimento dos protocolos anticovid vixentes.
O inicio está previsto para o luns 4 de outubro. Os interesados en recibir máis información ou realizar a súa inscrición poderano solicitar a partir do próximo luns ata o luns 24 de setembro no Pavillón Municipal da Montesiña, en horario de tarde de luns a venres.
O concello de Soutomaior abre o prazo de inscrición para as súas Escolas Deportivas
- Anuncio -
