Home A Coruña A poeta Yolanda Castaño participará este mércores nun encontro literario en San...

A poeta Yolanda Castaño participará este mércores nun encontro literario en San Sadurniño co gallo das Letras Galegas

- Anuncio -

Casa da Cultura, 11:00h

Poeta, narradora, dramaturga, ensaísta, tradutora, violinista…, na figura de Luísa Villalta (1957-2004) couberon todas estas disciplinas, enfiadas pola musicalidade da súa escrita, o universo da cidade da Coruña, o feminismo e o seu compromiso co país, manifestado non só a través da creación, senón tamén do activismo social e cultural. A ela dedícanselle neste 2024 as Letras Galegas, unha data para a que en San Sadurniño se organizaron tres actividades principais: un encontro coa tamén poeta Yolanda Castaño, previsto para a mañá deste mércores 15 na Casa da Cultura, o espectáculo gratuíto “A maxia das nosas letras” co Mago Teto -o xoves ás 18:30h- e, xa para a próxima semana, o martes 21 pola mañá, o “Consertasso na horta” que lle ofrecerá Brais das Hortas á cativería do CPI e da EIM A Rolada.

Yolanda Castaño -Premio Nacional de Poesía 2023-, malia ser doutra xeración, coincidiu con Villalta no movemento literario dos 90 e principios deste século, do que xurdiría a Asociación de Escritores e Escritoras en Lingua Galega, e, ademais diso, é boa coñecedora da vida e obra da autora homenaxeada.

No encontro que terá lugar na Casa da Cultura este mércores a partir das 11:00h, Castaño repasará a súa propia traxectoria persoal como muller e creadora, ademais de abordar a dimensión literaria e humana Luísa Villalta. O acto, no que participará o club de lectura de San Sadurniño, tamén se aproveitará para ler poemas e falar sobre a situación actual da lingua e da literatura galega.

Para pasado mañá, o xoves 16 ás 18:30h, Cultura programou “A maxia das nosas letras” co Mago Teto. O ilusionista ourensán afonda neste novo espectáculo na dinamización e promoción da lingua galega tocando agora a literatura contemporánea. Partindo da Longa Noite de Pedra achéganos ás escritoras e escritores máis recentes, con xogos abraiantes sobre a obra de autores como Manuel Rivas, Vidal Bolaño ou Luísa Villata.

Trátase dunha proposta con entrada gratuita dirixida a público familiar que emprega a maxia e a literatura para amosar o galego como unha lingua atractiva, moderna, divertida “que debemos empregar en todos os ámbitos da nosa vida cotiá” ligada a obras e exemplos de éxito.

A última das citas promovidas pola área de Cultura e a Biblioteca Municipal terá lugar o martes 21 ás 11:00h o salón de actos da Casa da Cultura, co “Consertasso na horta” do polifacético Brais das Hortas dirixido ao alumnado máis pequeno do CPI de San Sadurniño.

Ferreira aproveita o festivo para o seu xantar popular
As Letras Galegas celebrarase en Ferreira dun xeito un tanto distinto, xa que as dúas comisións de festas do San Paio e a do San Cristovo puxeron para o festivo o xantar de confraternidade que reunirá arredor da mesa á veciñanza da parroquia, aínda que é aberto a quen queira sumarse á troula.

O menú: paella para 1.000 persoas acompañada de xamón cocido, repolo, chourizo e cachelos, ademais de sobremesa, bebida, café e un licor. O prezo do prato son 30€ para as persoas maiores de 12 anos, mentres que pola cativería de 7 a 12 haberá que pagar 15€ e a rapazada menor desa idade xantará de balde.

Sobra dicir que todo se desenvolverá debaixo dunha carpa e, ademais, a comisión tamén traerá inchables para a cativería e música durante toda a tarde. Os tíckets hai que mercalos o antes posible no bar Ferreira -no lugar da Chabola-, na Parrillada María Queira -en Igrexafeita-, no Café-bar Del Palacio -San Sadurniño-, ou na Taberna de Pancho, situada na Avenida de Galicia 15-17, nas Pontes.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas