Home A Coruña Case medio cento de inscricións (por agora) na ruta ciclista familiar organizada...

Case medio cento de inscricións (por agora) na ruta ciclista familiar organizada polo Concello de San Sadurniño para este domingo

- Anuncio -

47 persoas apuntadas entre adultas e menores. Esa é a cifra provisional de partipantes no paseo en bicicleta organizado polo Concello para a mañá deste domingo con saída e chegada no patio do CPI. Dicimos provisional porque desde hoxe até pasado mañá aínda poderán enviarse cubertas as fichas de inscrición, e incluso cubrilas no punto de saída ata minutos antes do inicio dunha rolda de baixa dificultade e con vocación familiar que nos levará polos arredores do núcleo de San Sadurniño. Por razóns loxísticas, a ruta está limitada a un máximo de 75 persoas, que ademais estarán cubertas por un seguro e disporán de avituallamento a medio camiño.

A Ruta Cicloturística en Familia é, xunto coas camiñadas parroquiais, un clásico na programación deportiva municipal que adoita celebrarse cando a primavera xa está ben entrada e o tempo anima a facer exercicio no exterior.

O percorrido en bicicleta discorrerá por 14 quilómetros de pistas e estradas de baixa dificultade dos arredores do centro urbano e Pedroso. Sairase ás 11:00h do CPI de San Sadurniño e logo continuarase por Marqués de Figueroa en dirección á Capela de Belén, torcendo logo á esquerda para coller a pista da Agra de Abaixo e desde alí proseguir até a estrada de Pedroso.

Logo duns metros pola xeral, a caravana ciclista desviarase á esquerda de novo e collerá pistas da parcelaria e sendeiros que a levarán até a capela da O, lugar no que haberá un punto de avituallamento con auga, froita e barriñas enerxéticas.

Tras repoñer forzas, a ruta emprenderá o camiño de volta que, unha vez en San Sadurniño, discorrerá pola Cortiña, o paseo fluvial e, de novo, a explanada dianteira do colexio público, onde as nenas e nenos recibirán un pequeno agasallo.

Para esta actividade, organizada en colaboración co Club Biela e Chaveta, ofertáronse 75 prazas das cales xa van cubertas cerca de medio cento. Até o domingo aínda se recollen inscricións por orde de chegada, enviando esta ficha ao correo agustin.perez@sansadurnino.gal. As familias tamén poderán apuntarse no lugar da saída ata uns minutos antes do comezo da ruta, aberta a persoas adultas e cativería a partir dos 6 anos. É obrigatorio o uso de casco.

Relacionadas

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Recollida Bandeira Azul

0
O alcalde, José Manuel López Varela, e os concelleiros José Ramón Martínez Barbeito e Patricia Bello, recibiron hoxe de mans da conselleira de Medio...

Publicacións Relacionadas