Home A Coruña Comeza o programa "Saber Facer Barrio 2024" para reflexionar sobre emprendemento e...

Comeza o programa “Saber Facer Barrio 2024” para reflexionar sobre emprendemento e oportunidades de negocio

- Anuncio -

A próxima semana arrinca en Conxo a acción “Saber Facer Barrio 2024”, impulsada pola Concellaría de Dereitos e Servizos Sociais, Promoción Económica e Xuventude, dentro do programa de activación económica “A Compostela dos barrios”. Trátase de faladoiros para reflexionar sobre emprendemento e empregabilidade, e para que as persoas participantes poñan en común as súas experiencias de negocio. A iniciativa desenvolveráse en nove centros socioculturais de Santiago.

“Saber Facer Barrio 2024” comezará a súa andaina o próximo martes en Conxo, e ao longo dos meses de outubro e novembro pasará polos centros socioculturais de Vite, O Romaño, Fontiñas, A Trisca, Santa Marta, Ensache, Figueiras e Maruxa e Coralia da zona histórica. En cada centro e barrio haberá tres sesións en tres días sucesivos: un café na mañá dos martes para falar de emprendemento e opcións de negocio; unha “caña” na tarde dos mércores para reflexionar sobre empregabilidade e habilidades para o emprego; e un encontro na noitiña dos xoves para que as persoas emprendedoras e traballadoras do barrio compartan as súas experiencias. Todos os faladoiros terán unha duración de 60 minutos, e serán moderados por un consultor especializado en emprendemento e empregabilidade que fomentará a interactividade.

A participación será gratuíta, cun aforo máximo de 15 persoas por cada sesión. A reserva de praza pode facerse na web vitaminabe.com.

Esta iniciativa enmárcase no obxectivo da Concellaría de Dereitos e Servizos Sociais, Promoción Económica e Xuventude de poñer en valor o tecido empresarial e comercial dos barrios, e de fomentar un ecosistema emprendedor de base local.

Relacionadas

O Pleno de Brión aproba destinar os 686.000 € do POS+ 2025 a gasto...

0
O alcalde Pablo Lago explica que “decidimos destinar todo a gasto corrente porque as obras imos financialas con fondos propios xa que é a...

Aprobado por unanimidade o POS+ Adicional 2025 para gastos sociais

0
Destinaranse máis de 103.000 euros ao financiamento de gasto corrente, reforzar programas sociais e adquirir equipos informáticos e equipamento técnico asistencial. O Pleno da Corporación...

O alumnado do IES Agra de Leborís asistiu á xornada informativa sobre agresións e...

0
A iniciativa centrouse en animar á mocidade a reflexionar sobre o bo trato nas primeiras relacións. O alumnado de primeiro de bacharelato do IES Agra...

Sesión extraordinaria do Pleno da corporación do 14 de xaneiro de 2025

0
O salón de plenos do Concello da Pobra do Caramiñal acolleu no 14 de xaneiro, a partir das 13.45 horas, a sesión extraordinaria do...

Socialista pechan un acordo de orzamentos para 2025

0
Goretti Sanmartín, en representación do Grupo Municipal do Bloque Nacionalista Galego, María Rozas, en nome do Grupo Municipal de Compostela Aberta, e Gonzalo Muíños,...

A II Bandeira de Bateis Mecalsa dispútase na Pobra no 18 de xaneiro

0
Os bateis vogarán as augas da dársena do peirao comercial da Pobra na II Bandeira de Bateis Mecalsa que organiza o Club Remo Puebla...

Publicacións Relacionadas