• A intervención supuxo a instalación dun novo peche en Carantoña e o pintado e reparación de elementos lúdicos en parques de Aveas, Nogueira e Abellós.
O Concello de Miño executou nas pasadas datas actuacións de mellora en diversos parques do municipio co propósito de acondicionar estes espazos para o público infantil.
Deste xeito, as intervencións supuxeron a instalación dun novo peche de material reciclado en Carantoña, o cal ofrece unha maior durabilidade e resistencia. Tamén se actuou en parques de Abellós, Aveas e Nogueira, onde os traballos centráronse na reparación e o pintado dos diferentes xogos.
A previsión do goberno local é que en función das dispoñibilidades orzamentarias póidase dar continuidade a este plan de mellora de parques infantís.
O alcalde de Miño, Manuel Vázquez Faraldo, indicou que a través destes traballos “buscamos optimizar vos espazos de xogo para que vos nenos e meniñas do noso municipio poidan dispoñer dunhas instalación lúdicas de maior calidade”.
