Home A Coruña O Festival de Humor da Laracha celebra a 10º Edición coas Izquierdo...

O Festival de Humor da Laracha celebra a 10º Edición coas Izquierdo Sisters, Moncho Borrajo, Luis Álvaro e Oswaldo Digón

- Anuncio -

As entradas, a 8 euros por espectáculo, estarán á venda no Concello desde o luns.

No mes de maio regresará á Laracha o Festival de Humor, que alcanzará a décima edición e está consolidado como unha das citas de referencia na programación cultural anual municipal. O Concello da Laracha, da man da produtora Rababiero, fixo unha coidadosa selección dos artistas que pasarán pola Casa da Cultura para ofrecer unha programación variada, destinada a todo tipo de públicos e na que teñen cabida espectáculos de diferentes contidos e formatos.

As Izquierdo Sisters abrirán o cartel o venres 10 de maio. O trío formado por Lucía Veiga (recentemente galardoada co premio Mestre Mateo á mellor comunicadora), Marita Martínez e Patricia Castrillón chegarán á Laracha con Quen contaba?, un show de comedia improvisada creado no momento e a propósito. Tres actrices sen filtro meterán nunha cocteleira bastante imaxinación, moita leria, pouca vergoña e as ideas do público para que de aí xurdan as historias máis hilarantes e inesperadas nas que o único previsible é a risa.

O xoves 16, na véspera do Día das Letras Galegas, o público larachés terá unha oportunidade única para ver por última vez o espectáculo dun dos cómicos máis importantes do panorama nacional dos últimos cincuenta anos. Moncho Borrajo despídese tras máis de medio século facendo rir con ¡Se acabó!, espectáculo moi especial que estará cheo de humor, diversión e tenrura.

Luis Álvaro, un dos clásicos do stand up comedy nacional, será a proposta para o venres 24. Co seu peculiar estilo, marcado pola profundidade naif do seu material e unha explosiva posta en escena, afástase de calquera outro cómico do planeta.

Para pechar o programa o 31 de maio volverá un dos habituais do Festival de Humor da Laracha como Oswaldo Digón, e faino acompañado do guitarrista Luis Tinaquero para ofrecer Ansia viva. O espectáculo presenta un novidoso formato no que se mestura a comedia, a improvisación teatral e a música en directo. Abordarase con moito humor e liberdade algo que todos padecemos ou padeceremos nalgunha ocasión como é a ansiedade.

Todas as funcións da 10ª edición do Festival de Humor serán na Casa da Cultura da Laracha a partir das 22:00 horas e ao prezo de 8 euros. As entradas estarán á venda desde o próximo luns (22 de abril) e poden adquirirse na Casa do Concello.

Relacionadas

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Augas de Galicia estudará a posibilidade de habilitar un paso peonil pola ponte da...

0
O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o ConcelloO alcalde,...

O Dr. Calafiore responderá en Laxe as dúbidas máis comúns sobre patoloxías da próstata...

0
• A charla informativa terá lugar este sábado, 25 de maio, ás 19:00 horas, no Salón de Actos Culturais • Durante a sesión, o profesional...

Luns 27 de maio, día de doar vida en San Sadurniño

0
Doar sangue é un xesto de solidariedade e altruísmo que pode salvar vidas. O lema “doar sangue é doar vida”, utilizado pola Axencia de...

Publicacións Relacionadas