Home A Coruña O Pleno municipal de Moeche aproba por unanimidade a distribución dos fondos...

O Pleno municipal de Moeche aproba por unanimidade a distribución dos fondos do POS+

- Anuncio -

Son 221.000 euros para investimentos, gasto corrente e servizos sociais, máis outros 161.500 euros en proxectos que se agardan executar con futuros plans adicionais da Deputación

O Concello celebrou este mediodía unha sesión plenaria para votar a distribución dos fondos asignados a Moeche dentro do Plan Único provincial para esta anualidade. Son un total de 221.000 euros que se destinarán tanto á reparación de pistas como a compensar o incremento do gasto corrente motivado pola alza de prezos. Unha contía á que hai que engadirlle outros 35.500 euros do primeiro plan adicional de 2024 -o coñecido como POS Social- dirixido á ampliación do SAF e a outros programas de benestar. Ademais, no pleno tamén se aprobaron xa os proxectos do Plan Complementario susceptibles de ser executados máis adiante, a medida que a Deputación xere novas partidas económicas para levalos a cabo. O Goberno local definiu neste apartado dúas actuacións cun valor conxunto de 161.500 euros de cara a ampliar a rede de abastecemento municipal e continuar mellorando a rede viaria.

O POS+ da Deputación da Coruña estrutúrase en tres apartados fixos: a Achega 2023 -dotada con 96.534,29 euros-, a Achega 2024 -outros 124.478,43€-, e o Plan Adicional 01/2023 -o POS Social-, que ten adxudicados 35.565,25 euros.

No caso deste primeiro plan adicional do ano, o Concello dedicará 11.000 euros ao financiamento dos Servizos Sociais municipais, aínda que a maior partida -19.365,27€- dedicarase, un ano máis, a reforzar o Servizo de Axuda no Fogar. Os 6.000 euros restantes até completar a achega provincial irán parar a partes iguais a complementar os fondos municipais para emerxencia social e axudas ás familias.

En canto a investimentos, a distribución do POS+ aprobada hoxe por unanimidade no Pleno municipal prevé dedicar os algo máis de 96.500 euros da achega 2023 á formación dun novo tramo de beirarrúas na zona de Sete Pontes, en Abade -cun custe orzamentado en 40.000 euros-, e á pavimentación e mellora de pistas en Cardal, a Costa, San Ramón e Labacengos. Este último proxecto ascende a 56.943,73 euros, dos cales o Concello porá 409,44 de fondos propios.

Por outra banda, os fondos da Achega 2024 -os algo máis de 124.700 euros- aplicaranse a gasto corrente, co fin de cubrir os custes enerxéticos e do funcionamento de servizos básicos e esenciais como a iluminación pública ou a subministración de auga.

A maiores, dentro do Plan Complementario (o que agardará por máis fondos provinciais), na sesión tamén se deixaron aprobados outros dous proxectos de infraestruturas por un valor de 161.558,42 euros. Son o da nova rede de abastecemento de auga entre San Xiao, Barbelas e Bieiteiras, na parroquia de Labacengos, e a reparación da pista que vai desde As Barbelas até o Alto da Mina.

Tanto estas actuacións como aquelas que xa contan con financiamento “son de grande importancia para a veciñanza”, dixo a alcaldesa, Beatriz Bascoy, engadindo que todas elas responden “ao noso compromiso por seguir mellorando e ampliando as infraestruturas e servizos municipais”.

Relacionadas

Accidente de tráfico na AC-231 ao seu paso polo concello de Sobrado dos Monxes

0
Os bombeiros do parque comarcal provincial de Arzúa foron alertados ao redor das 12:30 horas deste mediodía dun accidente de tráfico acontecido na estrada...

A Concellaría de Bibliotecas crea na zona de pediatría do centro de saúde o...

0
O obxectivo da iniciativa é intensificar o labor de animación á lectura que se realiza durante todo o ano desde o Concello de CarballoAdemais...

A alcaldesa de Cariño recibe ao novo capitán da Garda Civil da zona

0
Caixa de entrada Ártabra Comunica Anexos mar., 28 de maio, 16:20 (hai 19 horas) para cco: redaccion.galicianorteacoruna Boas tardes, adxunto foto de: A alcaldesa...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Publicacións Relacionadas