O vicepresidente da Deputación de Pontevedra, Rafa Domínguez, participou este domingo na XXXII Festa do Caldo de Mourente, organizada pola Asociación O Castro, despois de ser investido onte como novo confrade da Orde nun acto celebrado no Teatro Principal. “Como pontevedrés que son, esta non é a miña primeira Festa do Caldo, senón que levo anos vindo a desfrutar deste marabilloso manxar, tan noso”, asegurou o vicepresidente, ao tempo que prometeu levar “con moita honra, a capa da confraría gastronómica do Caldo de Mourente”.
Rafa Domínguez quixo agradecer á Asociación de veciños O Castro “por estes 32 anos de esforzo e bo traballo”, desexándolles que sexan “os primeiros dunha longa historia, nos que a Deputación de Pontevedra vai estar sempre ao voso carón”, espallando “por toda a nosa contorna a preparación raíña do inverno galego: o caldo”.
