A Xunta de Goberno Local do Concello de Ourense aprobou 10 acordos na súa sesión ordinaria desta semana, que se desenvolveu a mediodía de hoxe no salón de plenos.
Licenzas (2) Conceder a licenza urbanística de obra para o proxecto básico e de execución de reforma e ampliación dunha vivenda unifamiliar en Santa Mariña do Monte e aprobar o proxecto reformado da licenza para obras de reforma dunha vivenda unifamiliar na rúa do Balneario.
Aperturas (1) Conceder a licenza de obra para a rehabilitación dun edificio para apartamentos turísticos na rúa Parada Justel.
Disciplina (2). Declarar a ruína económica e ordenar a demolición dun inmoble na rúa Sáenz Díez, e declarar en situación de ruína debido ao mal estado e acordar a demolición de 3 inmobles na senda Tras Estadio e doutro no Camiño Tras Estadio, que deberá executar a sociedade mercantil propietaria.
Xestión urbanística (1) Aprobar inicialmente o estudo de detalle para a agrupación de parcelas na rúa Arcediagos, e someter a proposta a información pública.
Patrimonio (2) Considerar 2 particulares desistidos de senllas reclamacións de responsabilidade patrimonial.
Xestión económica e orzamentaria (1). Aprobar o expediente de recoñecemento extraxudicial de créditos (R.E.C. XGL 01/2025) correspondente á taxa xeral de operadores, e recoñecer a obriga por importe de 10,32 euros.
Educación (1) Aprobar o Plan Estratéxico de Subvencións da Concellería de Educación, para o trienio 2025- 2027.
