A Xunta de Goberno Local do Concello de Ourense reunirase mañá, xoves, 27 de marzo, na súa sesión ordinaria desta semana. A convocatoria inclúe 26 asuntos na orde do día. Entres eles, 9 expedientes da Avogacía Consistorial, 4 de Licenzas, 4 de Patrimonio, 5 de Contratación, 1 de Servizos Xerais, 2 de Asuntos Sociais e 1 de Infraestruturas.
Avogacía Consistorial (9). Dar conta de 3 sentenzas ditadas polo Xulgado do Contencioso Administrativo número 1 de Ourense e dunha sentenza e dous autos do número 2. Ademais, o Concello foi emprazado para comparecer diante do Contencioso número 2 nun procedemento abreviado, diante do Social número 3 nun ordinario e diante do Social número 1 noutro.
Licenzas (4). Proxectos de instalación de ascensores en 2 edificios nas rúas Universidade e Cabeza de Manzaneda, proxecto de demolición de 2 edificios con conservación de fachadas nas rúas Paseo e Cardeal Quiroga e rectificación dun acordo dunha xunta de goberno anterior
Patrimonio (4) Dúas reclamacións de responsabilidade patrimonial, un pagamento de custas procesuais e un exercicio de acción para a regularización xurídica dun ben inmoble titularidade do Concello
Contratación (5). Propostas de prórroga dos contratos de 4 servizos: mantemento integral e subministración de consumibles de impresoras e equipos multifunción; mantemento do aplicativo Cividas; mantemento do software de bases de datos Oracle e mantemento do equipamento do centro de proceso de datos do Concello, lotes 1 e 2. Tamén se proporá rectificar un erro material dun acordo dunha xunta de goberno anterior.
Servizos Xerais. (1) Rectificación dun acordo dunha xunta de goberno anterior
Asuntos Sociais (2). Convocatoria de axudas en especie para a adquisición de libros de texto, material escolar e comedor escolar para o curso 2024/25, e validación de acto administrativo relativo á omisión da función interventora de fiscalización previa en facturas de alugueiro dun local.
Infraestruturas (1). Corrección dun erro nun acordo dunha xunta de goberno local anterior.
