O espectáculo de fogos artificiais requirirá pechar ao tráfico o domingo á medianoite as pontes do Milenio e do Ribeiriño e un treito da N-120

O espectáculo de fogos artificiais das Festas de Ourense requirirá pechar ao tráfico o domingo, 22 de xuño, momentos antes das 23.59 horas, a Ponte do Milenio e Ponte do Ribeiriño, así como a estrada Nacional 120, á altura da rotonda con Pablo Iglesias (desviando o tráfico pola rúa Díaz de la Banda), e a rotonda do acceso centro coa Nacional 120 en dirección ao centro da cidade (neste caso, a circulación que acceda desde a rúa castro Canseco desviarase por Bispo Lourenzo).