A celebración das Festas da Milagrosa ocasionará cortes de tráfico en varias rúas do barrio desde mañá, venres, día 30 de maio, até o luns, 2 de xuño.
As actuacións musicais realizaranse na rúa Afonso X O Sabio, no treito comprendido entre a rúa Nuño de Ousende e a Pasaxe Afonso X O Sabio. O espazo pecharase ao tráfico o venres desde ás 20.30 horas, o sábado desde as 19.00 h e o domingo desde as 17.00 horas.
As atraccións festivas estarán nas rúas Nuño de Ousende e Alfonso X O Sabio, no treito comprendido entre Xunqueira de Espadañedo e Nuño de Ousende. Pecharanse ao tráfico o venres desde as 19.00 horas, o sábado e o domingo de 12.00 a 15.00 e de 17.00 a 02.00 horas, e o luns desde as 19.00 horas.
