O Concello de Ourense colabora coas festas de Santa Cruz de Arrabaldo, que se desenvolverán pasado mañá, venres, día 30, e o sábado, 31 de agosto, na localidade ourensá.
A programación de actividades comezará o venres, 30, ás 21.30 horas, cunha cea popular amenizada pola charanga Achicoria, e a verbena co grupo Horizon e A Gramola. O sábado, 31, haberá misa cantada con piano no campo da festa e, ás 12.30 h, sesión vermú. Ás 17.00 h, comezará unha concentración de motos Vespa, que inclúe un paseo polas rúas da parroquia, unha xincana e unha carreira de lentos. Ás 17.30 h será a festa da cativada con escuma e, desde as 22.00 horas, actuarán a orquestra Finisterre, a charanga Europa e o DJ Marcos Kintana.
