Decidiuno esta mañá nunha Xunta de Goberno extraordinaria e urxente
A Xunta de Goberno ordinaria aprobou 18 acordos
Esta mañá tivo lugar unha Xunta de Goberno extraordinaria e urxente para validar a omisión da función interventora na contratación do servizo de reparación da locomotora 24-2072 Mastodonte situada na rúa Xesús Pousa e ordenar a continuación do procedemento.
A continuación tivo lugar a Xunta de Goberno Local do Concello de Ourense ordinaria que aprobou 18 acordos.
Alcaldía (1). Acordar a representación e defensa do Concello de Ourense nas reclamación xudiciais instruídas perante o Xulgado Contencioso-administrativo n.º2 de Ourense.
Avogacía consistorial (10) A Xunta de Goberno Local deu conta de 4 sentenzas ditadas polo Xulgado do Contencioso Administrativo n.º1 de Ourense; 2 ditadas polo Xulgado contencioso-administrativo n.º2 de Ourense e dunha ditada polo Tribunal Superior de Xustiza de Galicia.
Tamén foi informada de que o Concello comparecerá e presentarase en calidade de demandado diante do Xulgado do Social n.º4 por un procedemento ordinario; diante do Xulgado contencioso-administrativo n.º2 por un procedemento abreviado e perante o Xulgado do Social, n.º 1 por un procedemento de Seguridade Social.
Licenzas (3). Conceder unha licenza para un proxecto básico e de execución para a instalación dun ascensor na rúa Francisco Llorens e dúas licenzas para un proxecto básico e de execución de remodelación dunha vivenda, unha na rúa Celso E. Ferreiro e outra na rúa Alejandro Outeiriño.
Aperturas (2). Conceder a licenza de obra para un proxecto básico de rehabilitación de edificio para apartamentos turísticos na rúa Arcediagos e outra para a adaptación dun local para un ximnasio, na rúa Río Bibei.
Patrimonio (2) Desestimar a reclamación de responsabilidade patrimonial presentada por lesións sufridas como consecuencia dunha caída na rúa do Paseo e rectificar de oficio un acordo por erro material.
