Concello e Fundación Esplai, a través dos voluntarios dixitais Andoni Silva e Mónica Suárez, imparten esta interesante e novidosa iniciativa nos cursos de 4º de Primaria e 3º e 4º da ESO de todos os colexios e IES de Mos
A alcaldesa de Mos Nidia Arévalo, a concelleira de Educación e Emprego, Julia Loureiro, e a técnico municipal de Formación e Emprego, responsable da coordinación da iniciativa, visitaton esta mañá ao alumnado do IES de Mos que están a participar na actividade ‘A hora do código’ e que no caso do Instituto estaba a ser impartida polo voluntario da Fundación Esplai, Andoni Silva.
‘A hora do código’ é unha iniciativa global que ten como obxectivo achegar aos estudantes de todas as idades o mundo da programación e a tecnoloxía. Durante unha hora os estudantes teñen a oportunidade de aprender os conceptos básicos da programación mediante actividades interactivas e lúdicas. Esta actividade non só busca ensinar aos nenos a programar, senón tamén fomentar entre eles o pensamento lóxico, a resolución de problema e a creatividade e “facer visible o invisible” (como versa o lema da campaña), xa que millóns de persoas se conectarán á vez para facer unha hora de código ao mesmo tempo e simultáneamente, para así introducir a millóns de estudantes na informática a través de actividades de codificación de unha hora, polo que o alumnado de Mos se conectará con alumnado de todo o resto do mundo, poñendo á localidade mosense no mapa informático ao tempo que se desmitifica a codificación e se amosa que calquera pode aprender o básico, inspirando un interese futuro na informática.
Os obxectivos desta iniciativa son introducir ao estudante no mundo da programación, fomentar o interese pola tecnoloxía e o desenrolo de software, promover o pensamento crítico e a resolución de problemas e demostrar que a programación pode ser divertida e accesible a todos.
Esta actividade vai destinada ao alumnado de 4º de Primaria dos CEIPs e 3º da ESO e 4º da ESO do IES de Mos. Polo que participan nela un total de 200 estudantes de todos os centros escolares públicos de Mos: os 5 colexios e o instituto. Constará de dúas sesións por grupo.
Na primeira sesión, que foi a celebrada hoxe, explícase que é un software, que tipos existen e como se utilizan. Presentación de conceptos básicos de programación e de exemplos sinxelos. Amósanse recursos en liña e plataformas onde os estudantes poden empezar a explorar pola súa conta.
Na seguinte sesión, a propiamente denominada “Hora del Código” faráse unha breve introdución de programación e se explicarán os obxectivos da actividade. Execución da hora do código utilizando plataformas Code.org, onde os estudantes poderán resolver puzzles e desafíos programando con bloques visuais, exemplo de xogos (Labyrinth Challenge, Dance Party, Minecraf Adventure).
Son impartidas por 2 voluntarios dixitais mosenses, Mónica Suárez, galardoada co Premio ao Voluntariado Dixital da Rede Conecta (estatal) en xuño de 2024 e Andoni Silva.
O labor destes voluntarios/as é acchegar a toda a poboación os seus coñecementos en novas tecnoloxías e facilitar a diminución da brecha social dixital, coa implementación de accións/proxectos que aporten unha combinación de coñecementos, habilidades e actitudes que fomenten unha actitude crítica e responsable da tecnoloxía, non só para a aprendizaxe senón tamén para a participación na sociedade e a interacción social.
A través desta actividade, os voluntarios introducen ao alumnado no mundo da programación de maneira divertida e accesible, ademáis de poñer a Mos no mapa mundial da Hora do Código. O Concello participa no evento Codeweek subindo o hastag #EUCodeWeek
Así os voluntarios/as dixitáis do Concello de Mos, Andoni e Mónica, facilitan a participación dos CEIPs e IES de Mosa na Semana do Código.
